Santiago García Granda

Santiago García Granda (1955, Verdicio) ye un químicu asturianu, especialista en cristalografía de rayos X. Foi rector de la Universidá d'Uviéu ente'l 16 de mayu de 2016 y 2021.

Santiago García Granda
rector de la Universidá d'Uviéu 2016 - 2021 ← Vicente Gotor Santamaría - Ángel Ignacio Villaverde Menéndez →
Vida
Nacimientu	Verdicio, 1955 (68/69 años)
Nacionalidá	España
Residencia	España
Estudios
Estudios	Universidá d'Uviéu
Llingües falaes	castellanu inglés asturianu
Oficiu	cristalógrafu

Biografía

Ñació en Verdiciu, Asturies, en 1955. Estudió química, llicenciándose en 1980 y doctorándose en 1984 pola Universidá d'Uviéu. Ente 1985 y 1987 completó la so formación académica como becariu postdoctoral na Universidá de Nijmegen Holanda col Profesor Paul T. Beurskens. Especialista en determinación estructural, cristalografía, difracción y cálculos moleculares, ye ex-presidente de la European Crystallographic Association (ECA) onde sirvió dende agostu de 2006, y apocayá foi escoyíu Ordinary Member del Executive Committee de la International Union of Crystallography.

La so actividá docente foi intensa tantu en Llicenciatura y Grau en Química, como n'estudios de Doctoráu. Tamién imparte docencia billingue, español ya inglés, en programes Máster de la Universidá d'Uviéu y de la Universidá Internacional Menendez Pelayo.

Autor de más de 500 artículos científicos y de divulgación científica, dellos capítulos de llibros y numberoses comunicaciones y ponencies presentaes en congresos, sobre estudios químico-físicos de nuevos materiales, estructura molecular, cristalografía, difracción y métodos de cálculu, tien un Índiz H de 44. Ye coautor del programa de cristalografía DirDif citáu más de 3000 vegaes y lideró más de 30 proyeutos d'investigación, nacionales y europeos, contratos con empreses y proyeutos de divulgación científica. Lidera'l Grupu d'Investigación SYSTAM, del Departamentu de Química Física y Analítica, declaráu Grupu d'Excelencia del Principáu d'Asturies nel añu 2001. Ye responsable de la instalación d'infraestructura na Llinia Española del Sincrotrón del ESRF. Dirixó 18 tesis doctorales. La so actividá investigadora foi evaluada positivamente en 5 sexenios y fuéron-y reconocíos 7 quinquenios d'actividá docente.

En 2016 presentose como candidatu a rector de la Universidá d'Uviéu, eleiciones que ganó a José Muñiz. Dende mayu de 2008 hasta abril de de 2012 foi Vicerrector d'Investigación de la Universidá d'Uviéu, y Secretariu Executivu de la Sectorial d'I+D de la CRUE. Mientres mas de 35 años de serviciu na Universidá d'Uviéu, ocupó diversos cargos académicos y responsabilidaes

Enllaces esternos

• Sitiu oficial de investigadores de la Universidad de Oviedo Archiváu 2016-08-16 en Wayback Machine
• Sitio de campaña al rectorado de Santiago García Granda Archiváu 2016-06-10 en Wayback Machine

• Santiago García Granda en Twitter

• Datos: Q25367930