Sableres d'Amarelle y La Isla

Sableres d'Amarelle y La Isla
Carauterístiques xenerales
Llocalización	Cuaña
Coordenaes	43°33′48″N 6°45′14″W / 43.563228°N 6.754017°O
	Sableres d'Amarelle y La Isla Sableres d'Amarelle y La Isla (Asturies)
Anchor mediu	15-20m
Grau ocupación	mediu
Carauterístiques específiques
Composición	Sable.
Mena de sable	granu mediu y buxu
Aspeutos medioambientales
Presencia vexetación	Sí
	[editar datos en Wikidata]

Les sableres d'Amarelle y La Isla atópense nel conceyu asturianu de Cuaña y pertenecen a la llocalidá de Medal. La sablera d'Amarelle tien forma de concha, un llargor d'unos 50 metros y un anchor medio d'unos 15-20 metros y los sables son grises de granu mediu y tien bien poca asistencia. La so redolada ye rural y con un baxu grau d'urbanización. L'accesu piatonal ye d'unos quinientos metros de llonxitú pero bien complicaos y difíciles de percorrer. La sablera nun dispón de nengún serviciu y les actividaes más encamentaes son la pesca deportiva y la submarina.^[1]

Pa llegar a la sablera hai que partir dende'l pueblu de Medal en direición a la mariña y atopárase una trupa arbolea qu'hai de cruciar. Si se va en vehículu, esti ye'l puntu onde tien d'aparcase. De siguío tienen de faese unos 500 metros pa llegar a un camín de trazáu bien vertical y que va a media fastera escontra'l mar. Ye bien conveniente facer esta baxada de forma prudente, tomando los procuros necesarios pa nun zarapicar y rodar pela fastera. Dende esti camín ve'l castru Illones llenu de cientos de gaviluetes. Nel otru estremu de la sablera "La Isla", qu'en realidá ye un pedreru; mientres, a la esquierda del castru ta, bien escondida, la sablera d'Amarelle.^[2]

Tamién puede llegase a estes sableres por otru accesu muncho más peligrosu y difícil polo que nun s'encamienta aportar al traviés d'él. Ente los encamientos más importantes ta la de nun baxar pel camín inclináu si ta húmedu pos ye bien resbalizu. La sablera nun dispón de nengún serviciu y l'actividá más encamentada ye la de la pesca recreativa con caña. Pela parte cimera de la sablera pasa la sienda costera Y-9 que va dende Viavélez a Ortigueira.

Referencies

↑ Del Ríu, Alejandro (2013). Nobel, ed. Guía total de les sableres d'Asturies. Asturies: Nobel. p. 36. ISBN 978-84-8459-669-1.
↑ https://web.archive.org/web/20150414023721/http://asturiasesverde.blogspot.com.es/2014/12/sableres-asturianes-sableres-de-amarelle-y.html

Enllaces esternos

[llibro-1] Del Ríu, Alejandro (2013). Nobel, ed. Guía total de les sableres d'Asturies. Asturies: Nobel. p. 36. ISBN 978-84-8459-669-1.

[2] ttps://web.archive.org/web/20150414023721/http://asturiasesverde.blogspot.com.es/2014/12/sableres-asturianes-sableres-de-amarelle-y.html

[1]

[2]