Sablera d'As Catedrais
La sablera d'As Catedrais ye'l nome turísticu de la Sablera d'Augas Santas, asitiada nel conceyu gallegu de Ribadeo (parroquia d'A Devesa), na mariña de la provincia de Lugo, España, sobre'l mar Cantábricu. Ta a unos diez quilómetros al oeste de la llocalidá de Ribadeo. Ye conocida por esti nome por cuenta de la apariencia de los sos cantiles. Ta declarada Monumentu natural pola Conseyería de Mediu Ambiente de la Xunta de Galicia.
| Sablera d'As Catedrais | |
|---|---|
 | |
| Situación | |
| País |  España |
| Autonomía |  Galicia |
| Provincia |  provincia de Lugo |
| Conceyu | Ribadeo |
| Parroquia | Devesa (es)  |
| Llocalidá | Q90681279 |
| Tipu | sablera |
| Asitiáu en | Mar Cantábricu |
| Coordenaes | 43°33′14″N 7°09′26″W / 43.5539°N 7.1572°O |
  Sablera d'As Catedrais Sablera d'As Catedrais (España) | |
| Datos | |
| Web oficial | |
 | |
-jlcernadas.jpg)
Lo carauterístico de la sablera son los arcos y les cueves, namái apreciables a cuerpu de sablera mientres la baxamar. Mientres la pleamar la sablera ye relativamente pequeña, de finu sable y sigue siendo afecha pal bañu. Ye interesante ver la sablera cola marea alta percorriendo la parte cimera de los cantiles en direición oeste-esti escontra la sablera de Esteiro y vela con marea baxa sobre'l sable de la sablera.
Mientres la marea baxa puede aportase a un llargu arenal delimitado por una paré predresa de cayuela y esquistu erosionada en formes caprichoses: arcos de más de trenta metros d'altor que recuerden a arbotantes d'una catedral, covarones de decenes de metros, pasiellos de sable ente bloques de roca y otros intereses. Coles marees vives" nes que les marees baxen más y xuben más que les marees normales inclusive puede aportase a les sableres vecines pol sable, anque eso sí se debe tener procuru y volver primero qu'empiece a xubir la marea yá que el nivel del mar xube rápido yá que se trata d'un tramu de mariña práuticamente horizontal perteneciente a la Rasa Cantábrica. La sablera tien esti relieve debíu al efeuto de la erosión del vientu y de l'agua salao.
Allegante al aparcamientu de la sablera pueden atopase dos miradores dende ónde puede contemplase na so totalidá unes magnífiques vistes de la "Mariña Lucense".[1]
Referencies
editar- ↑ Web Oficial Museo Molinos Mazonovo (ed.): «Playa de las Catedrales» (castellanu). Consultáu'l 23 d'agostu de 2015.
Enllaces esternos
editar- Web del Concello de Ribadeo Archiváu 2011-07-19 en Wayback Machine con una pequeña descripción de la Sablera d'As Catedrais o Agües Santes
- Páxina de Turespaña sobre la Sablera d'As Catedrais
- Ficha de la páxina de Turismu de Galicia sobre la Sablera d'As Catedrais
Datos: Q2561808
Multimedia: Beach of the cathedrals
