Sandmännchen

Sandmännchen
Datos
Títulu orixinal	Unser Sandmännchen
Xéneru	serie de televisión infantil
País d'orixe	República Democrática Alemana
Idioma orixinal	alemán
Duración	10 min.
Númberu de temporaes	61
Númberu d'episodios	22 200
Primer emisión	22 de payares de 1959
Última emisión	1989
Emisora orixinal	Deutscher Fernsehfunk (es)
Productora	Rundfunk Berlin-Brandenburg
Distribuidora	Netflix

Sandmännchen (alemán, lliteralmente homín de sable) ye una famosa serie de televisión alemana pa neños. Ta basada nel suxetu del Sandman (lliteralmente home de sable), una figura de cuentu que echaba sable máxicu a los güeyos de los neños pa que se duerman. Los episodios emitiéronse dende 1959 diariamente en delles canales de televisión alemanes sobre los seis o siete de la tarde y yeren cuentos pa dormir. El borrador escribiólo Ilse Obrig y Johanna Schüppel en 1959. Mientres la separación d'Alemaña esistieron dos versiones del Sandmännchen.

Historia

Ilse Obrig yá realizara un programa de cuentos pa dormir nuna emisora de radio de l'Alemaña Oriental. En 1958 convirtióse nun programa de televisión que foi emitíu pola DFF, la televisión nacional d'Alemaña Oriental. Dempués de qu'Ilse Obrig camudara d'emisora y empezara a trabayar pa SFB, la emisora de Berlín Oeste n'Alemaña Occidental, ocurrióse-y la idea de la figura Sandmännchen. Xunto l'autora y diseñadora de muñeques Johanne Schüppel, diseñó la figura y trazó la estructura de la serie.

Enantes de que'l programa fora llanzáu, la televisión d'Alemaña Oriental diose cuenta de la idea y copióla. Finalmente llograron llanzar el Sandmännchens Gruß für Kinder (Saludu del Sandmännchen pa neños) n'Alemaña Oriental el 22 de payares de 1959, nueve díes enantes que n'Alemaña Occidental (1 d'avientu).

Los dos versiones del mesmu programa foron emitíes hasta la Reunificación alemana en 1990. La emisión del Sandmännchen n'Alemaña Oriental suspendióse, pero volvió empezar poco dempués por protestes de los espectadores. Por mor de la unificación de les canales públiques de los dos estaos alemanes, les series Sandmännchen del este y del oeste foron unificaes tamién. Dende 1991 una versión común coles carauterístiques de la versión oriental foi emitida en toa Alemaña.

Estructura y Realización

Cada episodiu empieza con un saludu del Sandmännchen que cuenta la hestoria a los neños. Dempués de la hestoria'l Sandmännchen aparez de nuevu y manda a los neños a la cama, usando'l so sable máxicu y cantando una añada.

Referencies

Enllaces esternos

Páxina oficial (alemán)
Artículu sobre'l Sandmännchen con soníos y imáxenes orixinales (alemán) (enllaz rotu disponible n'Internet Archive; ver l'historial y la última versión).