Doctor Mateo

Doctor Mateo
Datos
Títulu orixinal	Doctor Mateo
Xéneru	drama médico (es)
País d'orixe	España
Idioma orixinal	castellanu
Direición	Enric Folch
Fotografía	José Luis Alcaine Escaño
Númberu de temporaes	5
Númberu d'episodios	54
Repartu	ver Gonzalo de Castro ; Natalia Verbeke ; Rosario Pardo ; Álex O'Dogherty ; Lulú Palomares ; María Esteve ; Daniel Freire ; Esperanza Pedreño ; Gonzalo Kindelán ; Anna Castillo ; Pilar Bardem ; Rafael Amaya ; Manuela Velasco ; Manuel de Blas (es) ; Pedro Casablanc ; Joseba Apaolaza ; Maite Blasco ; Lucía Guerrero ; José María Blanco ; Palombu Bloyd ; Alicia Sánchez ; Amparo Valle ; Chema Muñoz ; Fernando Albizu ; Inés Sájara ; Miguel Ramiro ; Ricardo Lacámara ;
Primer emisión	22 de febreru de 2009
Última emisión	17 de xunetu de 2011
Emisora orixinal	Antena 3
	Web oficial

Doctor Mateo ye una serie de televisión producida por Notro Films pa la cadena española Antena 3. Estrenóse el 22 de febreru de 2009. Ta basada na serie británica Doc Martin, emitida pola cadena ITV. Esta serie cuenta con una 1ª temporada de 10 capítulos, una 2ª temporada de 14 capítulos, una 3ª temporada de 6 capítulos y una 4ª temporada de 14 capítulos. Renovó por una 5ª temporada de 12 capítulos, que ta previsto seya estrenada en mayu de 2011.

Sinopsis

Mateo Sancristóbal ye un médico español residente Nueva York. Dempués d'entamar a padecer hemofobia, decide dexalo too y marchar a vivir al pueblu nel que pasaba los branos de guaḥe: San Martín del Sella. Ellí empecipia una nueva vida como médicu del pueblu. A lo llargo de les temporaes meterase de llenu na vida rural y acabará por encontrar l'amor.

Temporaes

Primer Temporada^[1]^[2]

Esta temporada escomienza cola llegada al pueblu del Doctor Mateo (Gonzalo de Castro). Nos primeros minutos va introduciéndose al restu de protagonistes: los vecinos y vecines del pueblu. A lo llargo de los capítulos apréciase la ineptitud de Mateo pa conquistar a Adriana (Natalia Verbeke), a Carol (Lulú Palomares) descubriendo que'l so maríu, Mario, ye'l padre del fíu de la so collacia (María Esteve), a Juana (Rosario Pardo) intentando adaptar al so sobrín al pueblu, a Marga (Esperanza Pedreño) entamando una rellación xunto a Ernesto (Ramón Pujol), a Ana (Ángela Moreno) enamórase de Riqui, el guaperas del pueblu (Gonzalo Kindelan) y a Tom (Daniel Freire) convertir la taberna nuna posada. Amás, l'axente de la Policía Llocal de San Martín del Sella, Alfredo (Alex O'Dogherty), fará too lo posible por mantener l'orden nel pueblu. Esta temporada fina con Adriana y Mateo nel hospital, tras l'albuertu natural d'esta.

Segunda Temporada^[3]^[4]

Mateo y Adriana entamen una rellación, Tom descubre que tien leucemia, Alfredo ye padre d'una neña pequeña y entama una rellación con Elena, Pedro enamórase de la so amiga, Ernesto empecipia una rellación con Lolo, Riqui y Ana consoliden la so rellación, Carol intenta ser madre, Bruno y la so familia lleguen al pueblu y Juana sentirase sola. Esta temporada fina col regresu de Mateo a Nueva York.

Tercer Temporada Y Cuarta Temporada^[5]^[6]

Mateo, dempués de pasar una temporada en Nueva York, torna a San Martín. Ellí conoz al doctor Sagredo (Gorka Otxoa), quien lu sustituyere hasta'l so regresu, y decide contratalu como asistente. So tía Juana casóse con Moruba. Carol ta embarazada y el so maríu Mario (Xavi Mira) abre una peluquería nel pueblu. Amás, arranquen los preparativos de boda ente Mateo y Adriana. La pareya afiánzase, tres pasar por tou tipu de dificultaes y tan decidios a dar el pasu definitivu, pero non todo será coser y cantar... Esta temporada fina con Mateo ingresáu nel hospital dempués d'un infartu.

Quinta Temporada^[7]

Mateo entra en crisis per primer vegada al ver cómo se esbarrumben, ún por ún, los diferentes ámbitos de la so vida. Les sos inseguridaes, la so humanidá y la so capacidá pa reinventase pondranse en xuegu. Adriana, pela so parte, abandonará'l so trabayu como profesora na escuela del pueblu pa volcase dafechu na so llabor d'alcaldesa. Amás, debe asimilar que Mateo nun quier saber nada d'ella tres la infidelidá con Nico. El cocineru sigui llocamente namoráu de l'alcaldesa. Nesta temporada incorpórense un cura, Roberto (Rafael Amaya), una cuidadora pal nácaru de Carol y Mario, Sara (Anna Castillo), y un nuevu policia que tendrá una rellación cola tía Juana, Lorenzo (Ferran Rañe).

Capítulos y Audiencies

Temporada	Capítulos	Espectadores	Share
Primera	01-10	3.686.000	19,42%
Segunda	11-24	2.903.000	16,21%
Tercera	25-30	2.500.000	13,66%
Cuarta	31-44	2.432.000	12,79%
Quinta	45-56	0.000.000	00,00%

Premios

Dende'l so estrenu acumula numberosos gallardones como reconocimientu a la so gran calidá:

Gonzalo de Castro: Meyor Actor (TP d'Oro 2009), Meyor Actor (Ondas 2009) y Meyor Xoven del Añu (Bodegas Casado Morales 2010).
Natalia Verbeke: Meyor Actriz Protagonista (Festival d'Islantilla) y Meyor Actriz (Ondas 2010).
María Esteve: Meyor Actriz de Comedia (Festival de Cine de Comedia de Tarazona y El Moncayo “Paco Martínez Soria”).
Meyor Serie de TV (Premios Punto Radio La Rioxa).
Manín d'Honor (Coru Marineru Manín de Llastres), en reconocimientu a la difusión que faen d'Asturies y del Conceyu de Colunga.
Meyor Ficción de Comedia (FesTVal 2008).
Meyor Ficción Nacional (Festival Internacional de Curtiumetraxes y Cine Alternativu de Benalmadena 2009).
Medaya d'oru del Turismu (Xunión Hotelera Del Principáu d'Asturies), por ser un productu de calidá que difunde la imaxe d'Asturies y que ta teniendo una gran aceutación ente'l públicu.
Llastres (Premiu Príncipe d'Asturies 2010), como pueblu exemplar.

Producción

La serie ruédase en Llastres (Asturies) baxo'l nome inventao de San Martín del Sella. Este ficticiu pueblu, según el cartel de bienvenida, ta hermaniáu con Portwenn (Reinu Xuníu), llugar nel que tien llugar la historia de Doc Martin, serie inglesa na que ta basada Doctor Mateo

Referencies

Enllaces esternos

[1] 'Primer Temporada (1)'

[2] 'Primer Temporada (2)'

[3] 'Segunda Temporada (1)

[4] 'Segunda Temporada (2)

[5] 'Tercer Temporada (1)

[6] 'Cuarta Temporada (1)

[7] 'Quinta Temporada (1)

[1]

[2]

[3]

[4]

[5]

[6]

[7]