Katsuko Saruhashi (猿橋 勝子 Saruhashi Katsuko?) (22 de marzu de 1920Tokiu – 29 de setiembre de 2007Tokiu) foi una xeoquímica que realizó les primeres midíes de los niveles de dióxidu de carbonu (CO2) nel agua de mar y amosó evidencia de los peligros de l'agua radiactivo nel mar y l'atmósfera.

Katsuko Saruhashi
Vida
Nacimientu Tokiu22 de marzu de 1920[1]
Nacionalidá Bandera de Xapón Xapón
Muerte Tokiu29 de setiembre de 2007[2] (87 años)
Causa de la muerte neumonía
Estudios
Estudios Universidá de Tōhō 1943)
Universidá de Tokiu 1957) doctoráu : química
Oficiu química, xeólogaxeoquímica
Emplegadores Universidá de Tōhō
Premios
Miembru de Science Council of Japan (en) Traducir
Cambiar los datos en Wikidata

Educación y vida profesional editar

Saruhashi nació en Tokiu y graduóse nel Colexu Imperial de Ciencia pa Muyeres (predecesor de la Universidá de Toho), en 1943. Depués trabayó nel Institutu d'Investigación Meteorolóxica que pertenecía al Observatoriu Meteorolóxicu Central (más tarde Axencia Meteorolóxica de Xapón), y trabayó nel so llaboratoriu xeoquímicu con Yasuo Miyake, quien foi'l so mentor. En 1950, empezó a estudiar los niveles de CO2 na agua de mar, a partir del encamientu de Miyake. Nesa dómina, los niveles de CO2 nun se consideraben importantes y Saruhashi tuvo que desenvolver los sos propios métodos pa realizar eses midíes.[3]

Llogró'l so doctoráu en química en 1957 na Universidá de Tokiu, siendo la primer muyer en doctorase nesa universidá[4]

Resultaos de los ensayos nucleares nel atolón de Bikini editar

Depués de los ensayos nucleares nel atolón de Bikini en 1954, el gobiernu de Xapón solicitó-y al llaboratoriu xeoquímicu qu'analizara y monitoreara la radioactividá na agua de mar y na agua d'agua. Un barcu atuneru xaponés atopóse espuestu a los ensayos y los sos ocupantes terminaron enfermos. Saruhashi afayó que depués d'un añu y mediu la radioactividá algamó a Xapón na agua de mar.[ensin referencies]

Pa 1964, los niveles de radioactividá amosaron que les agües occidentales y orientales del océanu Pacíficu norte entemeciérense dafechu, y pa 1969 los rastros de radioactividá espardiérense por tol océanu. Trátase de la primer investigación que demostró cómo los efeutos de l'agua radiactivo pueden esvalixase al traviés de tol mundu.[ensin referencies] Más tarde, nos '70 y '80 enfocar nel estudiu de l'agua acedo y los sos efeutos.

Muerte editar

Saruhashi morrió'l 29 de setiembre de 2007 de neumonía, nel so llar en Tokiu. Tenía 87 años d'edá

Premios y reconocencies editar

  • 1958 - Fundó la Sociedá de Muyeres Científiques Xaponeses pa promover la presencia de les muyeres na ciencia y contribuyir a la paz mundial.[5]
  • 1979 - Foi nomada executiva del Llaboratoriu Xeoquímicu.
  • 1980 - Primer muyer escoyida pa integrar el Conseyu Científicu de Xapón.
  • 1981 - Llogró'l Premiu Especial de Avón pa Muyeres, poles sos investigaciones n'usos pacíficos de la enerxía nuclear y alzar el status de les muyeres científiques.
  • 1981 - Estableció'l Premiu Saruhashi, dau añalmente a muyeres científiques que son un exemplu pa les moces investigadores.
  • 1985 - Primer muyer en llograr el Premiu Miyake como xeoquímica.
  • 1993 - Llogró'l Premiu Tanaka de la Sociedá de Ciencies del Mar.

Saruhashi foi miembru honorariu de la Sociedá xeoquímica de Xapón y de la Sociedá Oceanográfica de Xapón.[6]

Cita editar

"Hai munches muyeres que tienen la capacidá de aportar a grandes científiques. Gustaríame ver el día en que les muyeres puedan contribuyir a la ciencia y la teunoloxía nun pie d'igualdá colos homes."[7]

Referencies editar

  1. Afirmao en: enciclopedia croata. Identificador de la enciclopedia croata: 54655. Apaez como: Saruhasi Katsuko. Autor: Dalibor Brozović. Llingua de la obra o nome: croata. Data d'espublización: 1999. Editorial: Miroslav Krleža Lexicographical Institute.
  2. URL de la referencia: http://www.breitbart.com/article.php?id=D8S0Q3D00&show_article=1&cat=0.
  3. Yount, Lisa (1996). Twentieth Century Women Scientists (n'inglés). New York: Facts on File, páx. 53. ISBN 0-8160-3173-8.
  4. Yount, Lisa (2008). A to Z of women in science and math (n'inglés). New York: Facts On File, páx. 263–264. ISBN 978-0-8160-6695-7.
  5. (2008) Robertson, Jennifer: A Companion to the Anthropology of Japan (n'inglés). John Wiley & Sons. ISBN 140514145X.
  6. Yount, Lisa, p. 58, ISBN 0-8160-3173-8
  7. Yount, Lisa, p. 56, ISBN 0-8160-3173-8

Llectures editar

  • Yount, Lisa (1996). Twentieth Century Women Scientists (n'inglés). New York: Facts on File. ISBN 0-8160-3173-8.
  • Morell, Virginia et a la fecha=16 d'abril de 1993. «Called 'Trimates,' three bold women shaped their field» (n'inglés). Science 260 (5106):  p. 420.