Islla Moyenne
| Islla Moyenne | |
|---|---|
 | |
| Situación | |
| Tipu | islla |
| Parte de | Seixeles |
| Asitiáu en | Océanu Índicu |
| Coordenaes | 4°37′S 55°30′E / 4.62°S 55.5°E |
  Islla Moyenne Islla Moyenne (Seixelles) | |
| Datos | |
| Altitú media | 61 m |
| Superficie | 0,089 km² |
| Población | 0 |
| Fusu horariu | UTC+04:00 |
| Llonxitú | 0,48 km |
 | |
La islla Moyenne ye una pequeña islla (9,9 ha) nel parque nacional marín de Sainte Anne de la mariña del norte de Mahé, Seixeles. Dende la década de 1970 ye una reserva de flora y fauna. Dende 1915 hasta la década de 1960, la islla tuvo abandonada hasta la compra de Brendon Grimshaw por £8.000 (aprosimao 10.000 dólares).
Grimshaw foi l'únicu habitante de la islla hasta la so muerte en xunetu de 2012.[1] Anguaño la islla ye un parque nacional y puede ser visitada como parte de viaxes entamaos.[2][3]
Historia
editar
El nome de la islla deriva del francés moyenne, "mediu." Foi presuntamente utilizada por pirates nos sieglos XVIII y XIX y contién dos baltes llamaes tumbes pirates.
De 1946 a 1962 la islla yera propiedá de Phillip Georges. Él y la so esposa Vera Georges vivieron na islla mientres los sos primeros años y más tarde camudáronse a Mahé, onde vivieron na propiedá conocida como Fairview. Una vista na islla y una sablera fueron nomaes n'honor a Vera, quien pasaba los sos díes na propiedá mientres el so home Phillip trabayaba en Mahé pel día.
Phillip vendió la islla a Brendon Grimshaw dempués de que tuvieron una cena xuntos. Phillip y Vera yeren bien hospitalarios y convidaron a Brendon a cenar cuando -yos propunxo mercar la so islla. Llegaron a un alcuerdu depués d'una llarga cena. Brendon Grimshaw adquirió la islla por £8.000 en 1962 y propúnxose faer de la islla un llugar habitable. Él fixo esto cola ayuda de René Antoine Lafortune. Transformaron la islla como reserva de naturaleza, cobrando a los visitantes 12€ para pasar el día na islla y cenar nel restorán "Jolly Roger".
Grimshaw y el so amigu llantaron dieciséis mil árboles, construyeron 4,8 kilómetros de caminos de naturaleza y traxeron y criaron tortúes xigantes d'Aldabra, pretendiendo crear una islla d'una guapura increíble. Amás d'una amplia variedá de plantes y páxaros, la islla ye llar para alredor de 120 tortúes xigantes.[4] En 2012, según Grimshaw, la más vieya tenía 76 años y foi nomada Desmond pol so afiáu.
En 1996, Grimshaw escribió un llibru sobre él y la islla, tituláu A Grain of Sand ("Un granu de sable").[5] En 2009 producióse una película documental sobro Grimshaw y la islla, llamada tamién A Grain of Sand.[6][7]
Dempués de 20 años de persistencia, Grimshaw y el so ayudante Lafortune consiguieron el so oxetivu de convertir a la islla Moyenne nun parque nacional propiu, separáu del parque marín de Ste. Anne.[8] La islla ye agora conocida como parque nacional Islla Moyenne.[9] La islla allúgase a 4,5 kilómetros de distancia de la islla principal de Mahé.
Grimshaw morrió en Victoria, Mahé, en xunetu de 2012.
En 2013, dempués de que la islla recibiera'l so estáu de parque nacional propiu, construyóse una cabaña nueva y establecióse un guardia na islla, recoyendo el costu d'entrada de turistes.[10]
Alministración
editarLa islla pertenez al Distritu Mont Fleuri.[11]
Turismu
editarAnguaño, la industria principal de la islla ye'l turismu y ye conocida poles sos sableres, especialmente Anse Creole Travel Services (enantes conocida como Anse Jolly Roger).
El restorán na sablera ye un puertu para turistes. Detrás del restorán atópase la casa del guardia llocal. La islla ye tamién visitada pola so amplia variedá de criatures submarines como pexes, tiburones y mantarrayes.
Referencies
editar- ↑ «Seychelles' Brendon Grimshaw, owner of Moyenne island, dies at age 87». Breaking Travel News.
- ↑ http://wanderingcarol.com/seychelles-islands-moyenne-tortoises/ Moyenne 2016 visit
- ↑ «Moyenne Island Seychelles». www.cerf-resort.com.
- ↑ «How to Buy Your Own Private Island» (2012-05-16). Consultáu'l 2012-05-21.
- ↑ «New African». IC Magazines Limited (1998-03-30).
- ↑ Hua (2012-05-02). «A Grain Of Sand Environmental Documentary Preview & Stream».
- ↑ https://www.cultureunplugged.com/documentary/watch-online/play/7218/A-Grain-of-Sand
- ↑ «Moyenne island declared a national park». Consultáu'l 15 Ochobre 2013.
- ↑ «86-year-old man lives on Moyenne Island with 120 tortoises» (2012-05-14). Archiváu dende l'orixinal, el 8 de marzu de 2013. Consultáu'l 24 de Xineru de 2022.
- ↑ «Luxury Seychelles Travel Holidays». Creole Travel Services.
- ↑ «Virtualseychelles – the Safest and Fastest Organic Instagram Growth Service» (2008-11-15). Archiváu dende l'orixinal, el 2008-11-15.
Enllaces esternos
editar
Wikimedia Commons acueye conteníu multimedia sobre Islla Moyenne.- Brendon Grimshaw: una historia para inspirar (castellán)
