Richie McCaw

Richard Hugh "Richie" McCaw (31 d'avientu de 1980, Oamaru) ye un ex xugador de rugbi neozelandés. Xugaba na posición de flanker (nº7) y foi capitán de los All Blacks dende 2006 hasta 2015. McCaw xugó pa los Canterbury na National Provincial Championship y Crusaders nel Super Rugby.

Richie McCaw
Vida
Nacimientu	Oamaru, 31 d'avientu de 1980 (43 años)
Nacionalidá	Nueva Zelanda
Familia
Casáu con	Gemma Flynn
Estudios
Estudios	Universidá de Lincoln
Oficiu
Oficiu	xugador de rugbi union, pilotu d'helicópteru, piloto de planeador (es)
Trayeutoria   Equipu 2008–2008 Barbarian FC (es) 1 (0) 2001–2015 Seleición de rugbi de Nueva Zelanda 148 (125) 2001–2015 Crusaders (es) 2000– Canterbury (Rugby) (es)
Posición o especialidá	flanker
Pesu	104 kg
Altor	188 cm
Premios	ver Mejor Jugador del Mundo por la IRB Mejor Jugador del Mundo por la IRB  : World Rugby  (2006) Orde de Nueva Zelanda  (31 avientu 2015) New Zealander of the Year  (2016) Salón de la Fama del IRB  (2019)

McCaw foi consideráu'l meyor tercer llinia del mundu y la so influencia nel desempeñu de los All Blacks foi tan importante como la del llexendariu Michael Jones. Foi particularmente conocíu pola so resistencia, lo que-y permitía llograr el balón en cualesquier parte del campu, y por ser un sofitu constante a los sos compañeros. Rápidu, potente, incansable, foi'l meyor pa recuperar el balón del ruck, anque los sos oponentes creíen que taba de cutiu en cantu de la infracción. En 2006, 2009 y 2010, foi escoyíu pola WR (World Rugby) como'l Meyor xugador del Mundu nesos años, siendo l'únicu, xunto a Dan Carter (2005, 2012, 2015), en ganar el gallardón trés veces y el que más vegaes tuvo na llista de candidatos a ganalo con 8 nominaciones.

Carrera

Causó impresión cuando foi escoyíu pa les seleiciones Sub-19 y Sub-21 de Nueva Zelanda. Debutó colos All Blacks en 2001 en Dublín contra Irlanda siendo nomáu "Man of the Match". Dos años dempués, debutó nel so primer Mundial, na Copa del Mundu de Rugbi de 2003 d'Australia. Nesi Mundial, xugó los 7 partíos llegando hasta les semifinales depués de ganar a Sudáfrica, cayendo ante seleición de rugbi d'Australia en semifinales, conformándose cola tercer plaza. En rematando l'añu, foi premiáu col Troféu Tremain Kelvin, que lo condecora como'l meyor xugador del añu de Nueva Zelanda.

En 2006, McCaw foi nomáu capitán de los All Blacks remplazando a Tana Umaga. En 2010 robló un contratu nel que percibía 750.000 $NZD (unos 478.927,20 euros), siendo namás superáu pol so compañeru de seleición, Daniel Carter.

2011-Presente

Na Copa Mundial de Rugbi de 2011 realizada en Nueva Zelanda, algamó'l so partíu númberu 100 representando a los All Blacks, siendo'l primer xugador n'algamar dichu llogru, esto foi mientres el partíu qu'enfrentó a los All Blacks contra'l combináu de Francia nun partíu válidu pa la fase de grupos (Grupu A), nel que los anfitriones resultaron vencedores. Nel so partíu númberu 103 cola camiseta de los All Blacks, lideró al so equipu a vencer a Francia por 8-7 na final del Mundial nel estadiu d'Eden Park, na ciudá d'Auckland, llevantando la Copa Webb Ellis nel mesmu llugar onde 24 años antes ficiéralu David Kirk.

Unos meses dempués de ganar el mundial, foi operáu con ésitu del so pie derechu en payares, estrayéndo-y un torniellu del pie, que-y foi inxertáu por cuenta de una quebra anterior por estrés, y recibiendo un ensiertu nel güesu, tando de baxa 3 meses. En febreru de 2012, anunció que volvería a los terrenos de xuegu n'abril, perdiéndose les cinco primeres xornaes del Super XV.

En 2015 foi escoyíu pa formar parte de la seleición neozelandesa que participó na Copa Mundial de Rugbi de 2015. Formó parte del equipu que ganó la final ante Australia por 34-17, entrando na historia del rugbi al ser la primer seleición que gana'l titulu de campeón en dos ediciones consecutives. Na rueda de prensa posterior a la final de la Copa de Mundu, l'entrenador de los All Blacks, Steve Hansen declaro que:"McCaw ye'l meyor All Black que tuvimos nunca"

Palmarés

Clubes

Canterbury

• Campeón de la National Provincial Championship (2001, 2004, 2008, 2009, 2010 y 2011)

Crusaders

• Campeón de la Super Rugbi (2002, 2005, 2006 y 2008)
• Finalista de la Super Rugbi (2003, 2004, 2011 y 2014)

Seleición nacional

Copa del Mundu

Detalles de les participaciones de McCaw na Copa del Mundu

Edición	Posición	Resultaos de Nueva Zelanda	Resultaos de McCaw	Partíos xugaos de McCaw
Australia 2003	3º	6 v, 0 n, 1 d	6 v, 0 n, 1 d	7/7
Francia 2007	Cuartos de Final	4 v, 0 n, 1 d	3 v, 0 n, 1 d	4/5
Nueva Zelanda 2011	Campeón	7 v, 0 n, 0 d	5 v, 0 n, 0 d	5/7
Inglaterra 2015	Campeon	7 v, 0 n, 0 D

Lleenda: V = Victoria ; N = Empate ; D = Derrota.

Tornéu de les Trés Naciones

Detalles de les participaciones de McCaw nos Trés naciones

Edición	Posición	Resultaos de Nueva Zelanda	Resultaos de McCaw	Partíos xugaos de McCaw
Tornéu de les Trés Naciones de 2002	Campeón	3 v, 0 n, 1 d	3 v, 0 n, 1 d	4/4
Tornéu de les Trés Naciones de 2003	Campeón	4 v, 0 n, 0 d	3 v, 0 n, 0 d	3/4
Tornéu de les Trés Naciones de 2005	Campeón	3 v, 0 n, 1 d	3 v, 0 n, 1 d	4/4
Tornéu de les Trés Naciones 2006	Campeón	5 v, 0 n, 1 d	5 v, 0 n, 1 d	6/6
Tornéu de les Trés Naciones 2007	Campeón	3 v, 0 n, 1 d	3 v, 0 n, 1 d	4/4
Tornéu de les Trés Naciones 2008	Campeón	4 v, 0 n, 2 d	3 v, 0 n, 0 d	3/6
Tornéu de les Trés Naciones de 2009	2º	3 v, 0 n, 3 d	3 v, 0 n, 3 d	6/6
Tornéu de les Trés Naciones 2010	Campeón	6 v, 0 n, 0 d	6 v, 0 n, 0 d	6/6

Lleenda: V = Victoria ; N = Empate ; D = Derrota.

Premios individuales

• 2001 - Meyor xugador del añu Sub-21
• 2003 - Premiáu pola NPC como meyor xugador del añu
• 2003 - Troféu Tremain Kelvin como meyor xugador del añu
• 2004 - Premiáu pola NPC como meyor xugador del añu
• 2006 - Troféu Tremain Kelvin como meyor xugador y capitán del añu
• 2006 - Xugador del Añu de la World Rugbi
• 2009 - Troféu Tremain Kelvin como meyor xugador del añu
• 2009 - Xugador del Añu de la World Rugbi
• 2010 - Deportista del Añu de Nueva Zelanda
• 2010 - Xugador del Añu de la World Rugbi
• 2011 - Deportista del Añu de Nueva Zelanda

Enllaces esternos

• Wikimedia Commons acueye conteníu multimedia sobre Richie McCaw.
• Perfil nos All Blacks

Predecesor: Dan Carter Shane Williams

Xugador del Añu de la World Rugby 2006 2009, 2010

Socesor: Bryan Habana Thierry Dusautoir

• Datos: Q726148
• Multimedia: Richie McCaw