Diferencies ente revisiones de «Cabu de les Aguyes»

==Xeografía==

[[File:CapeHopeDetail.png|thumb|left|Mapa qu'amuesa la llocalización relativa del Cabu de les Aguyes y el Cabu de Bona Esperanza.]]

El Cabu de les Aguyes asítiase na rexón d'[[Overberg]], a unos 170 km al sureste de [[Ciudá del Cabu]]. Recibió'l so nome de los navegantes [[Portugal|portugueses]] que, alredor de [[1500]], comprobaron que naquel momentu la dirección del norte magnéticu, y poro la que marcaba l'aguya de la [[brúxula]], coincidía esactamente col norte xeográficu<ref>[http://www.ruf.rice.edu/~feegi/magnet.html ''Descubrimientu de la coincidencia del norte xeográficu y'l magnéticu'' (n'inglés), artículu de Patricia Seed]</ref>. El cabu asítiase nel conceyu de Cape Agulhas -nome col que se conoció'l cabu n'inglés hasta'l [[sieglu XX]]-, na provincia sudafricana de Western Cape, cerca de la ciudá d'Agulhas.

 

Al sur del cabu la nomada [[corriente d'Agulhas]], d'agua caliente d'orixe tropical y que flúi a lo llargo de la costa este d'África, vira ensin entrar nel Atlánticu y diríxese otra vuelta hacia l'Índicu tropical. De la que lo fai forma grandes remolinos oceánicos (nomaos ''aniellos d'Agulhas'') qu'entren nel Atlánticu sur y lleven enormes cantidaes de calor y sal a esi océanu. Esti mecanismu ye ún de los principales elementos de la [[circulación termohalina]] global, que distribúi'l calor y el sal ente les distintes partes del [[Océanu Mundial]].

Al contrariu qu'el so famosu vecín, el [[cabu de Bona Esperanza]], el cabu de les Aguyes ye poco espectacular, y consiste nuna llínia costera gradualmente curvillínia con una playa de regodones. Hai un indicador que señala la so llocalización exacta, difícil d'aldovinar a simple vista. Les roques que formen el cabu pertenecen a la cordelera conocida como [[Montaña de la Mesa]], y son xeolóxicamente prósimes a les formaciones rocoses que pueden vese nos espectaculares cantiles de la Montaña de la Mesa, Ciudá del Cabu y'l Cabu de Bona Esperanza.