Diferencies ente revisiones de «Configuración electrónica»

m
Bot: Dando formatu ISBN
m
m (Bot: Dando formatu ISBN)
Sicasí, l'orde d'escritura de los orbitales nun ta completamente afitáu, porque namái les ocupaciones orbitales tienen significación física. Por exemplu, la configuración electrónica del [[titaniu]] n'estáu basal puede escribise [Ar]&nbsp;4s<sup>2</sup>&nbsp;3d<sup>2</sup> o [Ar]&nbsp;3d<sup>2</sup>&nbsp;4s<sup>2</sup>. La primer notación sigue l'orde, basáu na [[principiu d'Aufbau|regla de Madelung]] pa la configuración de los átomos neutros: 4s enllénase enantes de 3d na secuencia Ar, K, Ca, Sc, Ti. La segunda notación axunta tolos orbitales col mesmu valor de ''n''', y correspuende al orde espectroscópicu de les enerxíes orbitales, que representa el contrariu del orde nel que los electrones son arrancaos d'un átomu determináu pa formar iones positivos: 3d enllénase enantes de 4s na secuencia Ti4+, Ti3+, Ti2+, Ti+, Ti.
 
Tampoco ye obligatorio escribir 1 nel superíndiz d'una subcapa ocupada namái por un electrón; asina, l'[[aluminiu]] puede escribise [Ne]&nbsp;3s<sup>2</sup>&nbsp;3p<sup>1</sup> o [Ne]&nbsp;3s<sup>2</sup>&nbsp;3p. Ye habitual, tamién, ver les lletres de los niveles orbitales (s, p, d, f) escritos en lletra itálica o cursiva, magar que la [[Unión Internacional de Química Pura y Aplicada]] recomienda un tipu de lletra normal. L'orixe de les lletres utilizaes alcuéntrase nún sistema, anguaño desaniciáu por obsoletu, de categorización de les llínies espectrales como aguda (''sharp''), principal (''principal''), difusa (''diffuse'') y fundamental (''fine'') a partir de la estructura que presenten a la observación. El so usu modernu indica orbitales con un númberu cuánticu azimutal, ''l'', de 0, 1, 2 y 3 respeutivamente. Tres de la "f" la secuencia continúase alfabéticamente, cola "g", "h", "i"... (l = 4, 5, 6...). Magar que ye poco frecuente, porque los orbitales de ''l'' 7 son poco utilizaos, caso de necesitar escribise sáltase la lletra "j"<ref>[http://scienceworld.wolfram.com/physics/ElectronOrbital.html Weisstein, Eric W., ''Electron Orbital'' na web wolfram.com (2007).]</ref><ref>Ebbing, Darrell D., Gammon, Steven D., ''General Chemistry''. Cengage Learning, 2007, p. 284. ISBN: 978-0-618-73879-3.</ref>.
 
La configuración electrónica de les molécules escríbese de forma asemeyada, cola única diferencia de qu'en cuenta de los niveles orbitales atómicos úsense los niveles orbitales moleculares.