L''''Asturlleonés'''<ref>{{DALLA|asturlleonés}}</ref> fai referencia a la llingua falada na estensión histórica de los reinos d'Asturies y de Lleón y qu'en cada territoriu ye conocida pelos glotónimos [[asturianu]], [[lleonés]] o [[mirandés]].
El '''dominiu llingüísticu ástur''' o '''llingua asturlleonesa''' fai referencia al conxuntu de los territorios onde anguaño se fala la llingua conocida pelos glotónimos [[asturianu]], [[lleonés]] o [[mirandés]], y que constitúi una unidá llingüística propia. Ye una designación de consensu<ref>http://www.academiadelallingua.com/lletresasturianes/pdf/Art%C3%ADculu%202-Xos%C3%A9%20Lluis%20Garc%C3%ADa%20Arias%20&%20Xos%C3%A9%20Ant%C3%B3n%20Gonz%C3%A1lez%20Ria%C3%B1o-Reflexones%20sol%20dominiu%20llingu%C3%ADsticu%20%C3%A1stur.pdf</ref> acuñada nun intentu de nun dotar de nenguna connotación xeográfica a un dominiu que s'esparde per rexones históriques bien definíes y consiguiendo asina una xunidá que permitiere esparder l'emplegu de la llingua ensin atopar torgues innecesaries.
L'usu del términu '''asturlleonés''' lleva arreyáu'l conceutu equívocu de ''dos territorios, dos llingües'', cuando en realidá trátase de una mesma fala nuna estensión pelos territorios históricos, principalmente d'Asturies y Lleón. Xeográficamente abarca no qu'antaño foi la tierra de les tribus [[astures|ástures]], ''Conventus Asturicensis'', que dellos llingüistes asitien como la causa fundamental de la diferenciación llingüística del romance asturlleonés respeutu del castellanu o'l gallegu-portugués.
El dominiu tien una población d'alredor de 1.250.000 habitantes, y unos 620.000 falantes, de los que 110.000<ref>[http://www.ethnologue.com/show_language.asp?code=ast Ethnologue report for Asturian]</ref> son patrimoniales.
