Diferencies ente revisiones de «Komsomol»

Podía ingresase al Komsomol a los 14 años y pertenecer a él hasta los 28. Sía comoquier, los funcionarios de la organización solíen ser antiguos militantes, siendo por tanto mayores que los miembros regulares. Pa los menores de 14 años esistía'l [[Movimientu de Pioneros]]. Nel planu internacional, el Komsomol yera'l miembru más importante de la [[Federación Mundial de la Mocedá Democrática]] (FMJD).

 

Anque la influencia qu'exercía'l Komsomol sobre'l Partíu Comunista yera llindada, la organización cumplía un papel importante al introducir a la mocedá nos principios y valores del PCUS, oficiando como una puerta d'accesu a la política de la Xunión Soviética. Los miembros más activos recibíen premios y privilexos; por casu, [[Yuri Andrópov]], [[Secretariu Xeneral]] del Partíu depués de la muerte de [[Leonid Brézhnev]], empezó la so carrera política dende la seccional [[Karelia]] del Komsomol. La estructura xerárquica del Komsomol, entamada siguiendo un esquema [[federalismu|federal]], yera bien similar a la del Partíu.

 

== Decadencia y disolución ==

Les reformes encaraes por [[Mikhaíl Gorbachov]], la ''[[perestroika]]'' y la ''[[glásnost]]'', dexaron desencaxáu a un Komsomol que creciera al amparu del orde políticu y social del Partíu Comunista; per esos años empezar a dicir que la organización yá nun representaba los intereses de la mocedá, y tenía fondos problemes estructurales y de lideralgu. Nel ''XX Congresu del Komsomol'' alteriáronse totalmente los sos estatutos pa reflexar una nueva orientación escontra la [[Capitalismu|economía de mercáu]]. Les reformes del ''XX Congresu'' destruyeron al Komsomol, que terminó estazándose, y perdiendo de vista cuálos yeren los sos oxetivos, l'interés de los sos miembros y la membresía polo xeneral. La organización yá nun tenía cabida nuna Xunión Soviética totalmente distinta a la que-y dio llugar.