Diferencies ente revisiones de «Ilesia Católica»
Contenido eliminado Contenido añadido
Llinia 133:
La cellebración eucarística, tamién nomada [[Misa]] o Divina Lliturxa, inclúi rezos y llectura de les escritures sagraes, amás de la ofrenda del pan y el vinu, que son llevaos al altar y consagraos por sacerdote, lo que los convierte nel cuerpu y el sangre de Cristu, un cambiu de materia que se conoz como transubstanciación<ref>Pohle J, ''[[wikisource:Catholic_Encyclopedia_(1913)/The_Real_Presence_of_Christ_in_the_Eucharist|The Real Presence of Christ in the Eucharist]]'', entrada na Enciclopedia Católica de 1913.</ref>. Les pallabres de la consagración espeyen les que dixo Xesús na [[Última Cena]], na que Cristu ufrió el so cuerpu y la so sangre a los sos apóstoles la nueche anantes de ser crucificáu. El sacramentu re-presenta (fae presente) el sacrificiu de Cristu na cruz<ref>Catecismu de la Ilesia Católica, [http://www.vatican.va/archive/catechism_sp/p2s2c1a3_sp.html párrafos 1365-72].</ref>, y perpetúalu. La muerte y resurrección de Cristu da la gracia al traviés del sacramentu que xune a los creyentes con Cristu y ente ellos, perdona los pecaos veniales y axuda a evitar que se cometan pecaos mortales (que nun pueden perdonase, pela so banda, namái que al traviés de la Penitencia)<ref>Catecismu de la Ilesia Católica, [http://www.vatican.va/archive/catechism_sp/p2s2c1a3_sp.html párrafos 1392-5].</ref>.
=== Sacramentos de curación ===
Los dos sacramentos de sanación son la penitencia y la unción d'amalecíos.
==== Penitencia ====
El sacramentu de la Penitencia, tamién nomáu Reconciliación, Perdón, Confesión o Conversión<ref>Catecismu de la Ilesia Católica, [http://www.vatican.va/archive/catechism_sp/p2s2c2a4_sp.html párrafos 1423-1424].</ref>, esiste pa permitir la conversión d'aquellos que, tres del bautismu, separtáranse de Cristu pol pecáu<ref>Catecismu de la Ilesia Católica, párrafos [http://www.vatican.va/archive/catechism_sp/p2s2c2a4_sp.html 1425-1426].</ref>. Son esenciales, pa esti sacramentu, dellos actos: unos, a executar pol pecador (esamen de conciencia, contrición y determinación de nun pecar otra vuelta, confesión con un sacerdote y realización de dalguna acción pa reparar el dañu causáu polos sos pecaos), y otros, que correspuenden al sacerdote (determinación d'executar el actu de reparación, y absolución)<ref>Catecismu de la Ilesia Católica, [http://www.vatican.va/archive/catechism_sp/p2s2c2a4_sp.html párrafos 1450-1466].</ref>. Los pecaos graves, nomaos pecaos mortales, deben confesase polo menos una vegada al añu, y siempres anantes de recibir la Comunión; la confesión de los pecaos menores, nomaos pecaos veniales, recomiéndase tamién, pero nun ye obligatoria<ref>Catecismu de la Ilesia Católica, [http://www.vatican.va/archive/catechism_sp/p2s2c2a4_sp.html párrafos 1457-1458].</ref>. Los sacerdotes tán obligaos, baxo l'amenaza de les penes más severes, a caltener el secretu de confesión, esto ye, el secretu absolutu sobro los pecaos que-yos fueren revelaos en confesión<ref>Catecismu de la Ilesia Católica, [http://www.vatican.va/archive/catechism_sp/p2s2c2a4_sp.html párrafu 1467].</ref>.
==== Unción d'amalecíos ====
El crisma ye un aceite usáu p'alministrar los trés sacramentos d'aniciu, los que nun pueden ser repetíos. P'alministrar la unción d'amalecíos úsase un aceite diferente col que un sacerdote o obispu bendiz a un católicu que, pola so avanzada edá o la enfermedá, ta en peligru de muerte<ref>Catecismu de la Ilesia Católica, [http://www.vatican.va/archive/catechism_sp/p2s2c2a5_sp.html párrafu 1514].</ref>. Esti sacramentu conforta, da paz y valor al enfermu y inclusu, si'l creyente nun ta en condiciones de poder confesar, perdóna-y los sos pecaos<ref>Catecismu de la Ilesia Católica, [http://www.vatican.va/archive/catechism_sp/p2s2c2a5_sp.html párrafu 1520].</ref>.
Esti sacramentu, nomáu tamién Unción, y nel pasáu Estrema Unción, ye, xunto cola Penitencia y el Viáticu, que ye'l nome de la comunión que se-y da a los que tán a piques de morrer, ún de los trés sacramentos que formen los caberos ritos<ref>''[[wikisource:Catholic_Encyclopedia_(1913)/Extreme_Unction|Extreme Unction]]'', entrada en The Catholic Encyclopedia (1913).</ref>.
== Referencies ==
| |||