Diferencies ente revisiones de «José Luis Díaz Hevia»

Contenido eliminado Contenido añadido

En renglón

Revisión a fecha de 23:14 23 mar 2021

José Luis Díaz Hevia^[1] (Xixón, 1927 - Xixón, 15 de abril de 2020) foi un xerente y directivu asturianu, cofundador del Atenéu Xovellanos.

Biografía

Nacíu en Xixón. Crióse nel barriu de L'Humedal. Fixo los sos estudios nel colexu públicu El Humedal -más sero colexu públicu Jovellanos-. Foi discípulu de Manuel Martínez Blanco, -quien, diba recibir la Orden Civil de Alfonso X el Sabio al Méritu Docente-.

N'acabando los sos estudios no que daquella nomábase Cultural Xeneral y Alministración, entamó la so carrera profesional na Fábrica de Lloza de los Fíos d'Antonio Pola, nel barriu d'El Cortijo,^[2] onde algamó ser xefe alministrativu. Llueu, l'empresariu Luis Alvargonzález, contratólu y entamó trabayar na empresa Alvargonzález Contratas, siendo xerente de la mesma hasta la so xubilación.

Na xuventú foi secretariu d'Acción Católica na parroquia xixoniega de San Xosé. Naquellos años, el párrocu yera Segundo García Sierra, que diba aportar ser obispu de Barbastro, Huesca. A traviés d'esta asociación fixo una importante llabor caritativa mentantu la posguerra. Involucróse naa creación d'un comedor pa xente necesitao. Esti roperu parroquial, nome col que foi bautizáu nos sos oríxenes, afayaba na cai Pedro Duro.

En 1953, foi sociu fundador del Ateneo Jovellanos, xuntu col que yera daquella reutor de la Universidá d'Uviéu , Torcuato Fernández-Miranda. Tamién s'implicó nel ámbitu sociodeportivu, a traviés del Real Grupo de Cultura Covadonga, onde foi directivu (1972-1976). Ellí fixo llabores publicitaries y de rellaciones públiques.

Foi miembru del Círculo de Amigos del Foru Xovellanos.^[3]

Casáu con Rosa María Campa Álvarez, tuvo siete fíos: José Luis, Ignacio, Covadonga, Rosa, Javier, Pablo y Álvaro Díaz Campa.^[4]

Referencies

↑ Busto, Dani (16 de abril de 2020). Fallece a los 92 años José Díaz Hevia, cofundador del Ateneo Jovellanos. Gijón. https://www.elcomercio.es/gijon/fallece-anos-jose-20200416000735-ntvo.html. Consultáu'l 25 de abril de 2020.
↑ Díaz Hevia, José Luis (8 de marzo de 2007). En recuerdo de Pedro Lorenzo. Gijón. https://www.lne.es/gijon/1570/recuerdo-pedro-lorenzo/499658.html. Consultáu'l 25 de abril de 2020.
↑ «Círculo de Amigos de Jovellanos». Estatutos de la Fundación Foro Jovellanos del Principado de Asturias (Gijón). 2015. https://jovellanos.org/wp-content/uploads/2018/03/ESTATUTOS-F.-FORO-JOVELLANOS_2015.pdf. Consultáu'l 11 de agosto de 2020.
↑ Esquela del Sr. Don José Luis Díaz Hevia. Gijón. 16 de abril de 2020. http://esquelas.elcomercio.es/esquela/don-jose-luis-diaz-hevia-49112.html. Consultáu'l 11 de agosto de 2020.

[1] Busto, Dani (16 de abril de 2020). Fallece a los 92 años José Díaz Hevia, cofundador del Ateneo Jovellanos. Gijón. https://www.elcomercio.es/gijon/fallece-anos-jose-20200416000735-ntvo.html. Consultáu'l 25 de abril de 2020.

[2] Díaz Hevia, José Luis (8 de marzo de 2007). En recuerdo de Pedro Lorenzo. Gijón. https://www.lne.es/gijon/1570/recuerdo-pedro-lorenzo/499658.html. Consultáu'l 25 de abril de 2020.

[3] «Círculo de Amigos de Jovellanos». Estatutos de la Fundación Foro Jovellanos del Principado de Asturias (Gijón). 2015. https://jovellanos.org/wp-content/uploads/2018/03/ESTATUTOS-F.-FORO-JOVELLANOS_2015.pdf. Consultáu'l 11 de agosto de 2020.

[4] Esquela del Sr. Don José Luis Díaz Hevia. Gijón. 16 de abril de 2020. http://esquelas.elcomercio.es/esquela/don-jose-luis-diaz-hevia-49112.html. Consultáu'l 11 de agosto de 2020.

[1]

[2]

[3]

[4]