Fundación Foru Xovellanos del Principáu d'Asturies
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La Fundación Foru Xovellanos del Principáu d'Asturies ye una Intitución fundada en Xixón (Asturies), a iniciativa d'ún grupu de xovellaniegos col enfotu'l conceyu de Xixón y otres instituciones públiques como'l Gobiernu del Principáu d'Asturies, asina como d'empreses y entidaes privaes. Tien como antecedente l'Asociamientu Foru Xovellanos (1995), tresformada en Fundación con data 4 d'agostu de 1998. El so oxetivu primordial ye "Honorar l'alcordanza de Don Gaspar Melchor de Xovellanos como paradigma de serviciu del bien ermuno de tolos ciudadanos, asina como espardir y caltener vives la so obra y figura y alitar l'aplicación y actualización del so camientu pal beneficiu d'España y específicamente d'Asturies".
| Fundación Foru Xovellanos del Principáu d'Asturies | |
|---|---|
| organización | |
| Direición | España |
| Historia | |
| Fundación | 1995 |
| Orixe del nome | Gaspar Melchor de Xovellanos |
| Web oficial | |
 | |
Al so patronatu pertenez un enancháu greyu persones, toes elles d'estremaos signos políticos y relixosos, teniendo siempres como referente a Xovellanos.
Un resorte mui importante de la institución ye la staya de Amigos de Xovellanos, a la que cualesquier persona o entidá pue inscribirse col oxetu de caltener una sintonía más averada coles atividaes que se realicen dende la Fundación.
De magar 1998, la Fundación convoca añalmente'l Premiu de Investigación Fundación Foru Xovellanos del Principáu d'Asturies, dotáu con 6.000 Euros y l'asoleyamientu del trabayu gallardoniáu. Podrán acudir autores de cualesquier nacionalidá. Los trabayos versarán sobro cualesquier d'estos temes:
- Vida, obra y camientu de Xovellanos.
- La Ilustración española ya hispanoamericana.
- La buelga de Xovellanos na configuración de l'Asturies y la España modernes.
Anguaño edítase un Boletín Xovellanista y delles monografíes sobro Xovellanos, la so época o los sos contemporáneos. Fasta la data tien un catálogu de 20 publicaciones.
Presidentes
editar- D. José Miguel Caso González
- D. Francisco Carantoña Dubert
- D. Luis Adaro Ruiz
- D. Agustín José Antuña Alonso
- D. Jesús Menéndez Peláez, profesor de Filología Hispánica de la Universidá d'Uviéu (2002-).
Referencies
editarEnllaces esternos
editar
Datos: Q8963076
