Diferencies ente revisiones de «Bagua»

'''Bagua''' (lleíu Pa Kua) o '''Baguazhang''' (bāguàzhǎng) ye una de les tres principales [[Artes marciales de China|artes marciales chines]] de la escuela de [[Wudang chuan|Wudang]], xunto col [[Tai Chi Chuan|Taijiquan]] y el [[Xingyiquan]]. Clasifícase más de cutiu como práutica interna ([[neijia]]). ''Baguazhang'' significa lliteralmente "palma de los ocho trigrames", polos trigrames del [[I Ching]], un de los llibros canónicos del [[Taoísmu]].

 

[[Archivu: Sun bagua.jpg|thumb|200px| Sun Lutang andando en círculos.]]

La creación del Bagua, como arte marcial formal, atribúise a Dong Haichuan, qu’al paecer deprendiera de maestros taoístes (y pueque budistes) nos montes de [[China]] a principios del sieglu XIX.<ref>Yintao, Fei and Yuliang, Fei. “Classical Baguazhang Volume IV: Wudang Baguazhang.” Trans. Joseph Crandall. Pinole, California: Smiling Tiger Martial Arts 1994.</ref> Nesti aniciu hai buelgues d’artes marciales que s’enseñaren y prauticaren endenantes na rexón na que vivía Dong Haichuan, combinaes cola andadera taoísta en círculos. Por mor del so trabayu como sirvidor nel palaciu imperial, Dong ablucó al emperador colos sos movimientos acionaos y la so habilidá pal combate, y convertióse n’instructor y en guardia personal de la corte. Dong Haichuan enseñó munchos años en [[Pequín]], hasta algamar el patrociniu de la corte imperial.<ref>Jingru, Liu and Youqing, Ma. “Classical Baguazhang Volume II: Cheng Shi Baguazhang (Cheng Family Baguazhang).” Trans. Joseph Crandall. Pinole, California: Smiling Tiger Martial Arts 2001.</ref>

Discípulos famosos de Dong que llegaron a maestros foron Yin Fu, Cheng Tinghua, Song Changrong, Liu Fengchun, Ma Weiqi, Liu Baozhen, Liang Zhenpu y Liu Dekuan. Anque tuvieron el mesmu maestru, los sos métodos d’entrenamientu y espresiones de les téuniques de palma yeren estremaos. Los estilos Cheng y Liu tán seique especializaos n’”emburriar” les palmes, l’estilu Yin ye conocíu por “endolcar” les palmes, los siguidores del Song prautiquen la téunica de palma ''Mei Hua'' (“Flor de Cirolar”), y les palmes del estilu Ma son conocíes como "martiellos." Dellos estudiantes de Dong Haichuan, como Cheng Tinghua, participaron na [[Rebelión Boxer]]. En xeneral, anguaño la mayoría de prauticantes de Bagua siguen los estilos Yin (尹), Cheng (程) o Liang (梁), masque siguen esistiendo los Fan (樊), Shi (史), Liu (劉), Fu (傅), y otros (l’estilu Liu ye un casu particular, porque nun suel prauticase n’esclusiva sinón como complementu d’otros estilos). Amás hai subestilos de los anteriores, como los Sun (孫), Gao (高), y Jiang (姜), subestilos los tres del métodu Cheng.

 

 

 

 

La práutica d’andar en círculos, o "dar la vuelta al círculu" como la llamen dacuando, ye’l métodu carauterísticu de postura y entrenamientu del movimientu del Bagua. Toles formes de baguazhang usen sobre too esta forma de movese como parte integral del entrenamientu. Los prauticantes caminen alredor del borde del círculu con delles postures baxes, de cara al centru, cambiando de xemes en cuando de direición mientres executen les formes.<ref>Lie, Zhang. ''Classical Baguazhang Volume V: Yin Style Baguazhang.'' Trans. Joseph Crandall. Pinole, California: Smiling Tiger Martial Arts 1995.</ref> Pa un principiante’l círculu tien ente 1,80 y 3,60 m. de diámetru. Los estudiantes aprienden primero flexibilidá y alliniamientu correutu del cuerpu a traviés de los exercicios básicos, pa llueu siguir con formes más complexes y mecániques de poder interno. Anque los aspeutos internos del Bagua son asemeyaos a los del xingyi y el taijiquan, tienen una naturaleza distinta.

Los movimientos del Bagua empleguen tol cuerpu con suaves aiciones d’endolcar y desendolcar, usando téuniques de mano, pasos dinámicos y proyecciones. Los movimientos en rabasera saquen la enerxía del centru del abdome. El patrón d’andadera circular tamién crea fuercia centrípeta, permitiendo al prauticante maniobrar aína al rodiu del oponente.

 

 

<references/>

 

 

* Robert W. Smith, ''Chinese Boxing'', ISBN 1-55643-085-X

* Frantzis, Bruce Kumar, ''The Power of Internal Martial Arts: Combat Secrets of Ba Gua, Tai Chi, and Hsing-I'' ISBN 1-55643-253-4

 

 

 

[[Categoría:Artes marciales de China]]

 

[[bg:Ба гуа джан]]

[[de:Baguazhang]]

[[el:Μπαγκουαζάνγκ]]

[[es:Pa Kua Chang]]

[[fr:Ba Gua Zhang]]

[[hr:Bagua Zang]]

[[id:Baguazhang]]

[[it:Baguazhang]]

[[ja:八卦掌]]

[[no:Baguazhang]]

[[pl:Bagua Zhang]]