Diferencies ente revisiones de «Calendariu gregorianu»

El '''calendariu gregorianu''' ye'l [[calendariu]] actualmente utilizáu na mayor parte del mundu. Concibíu por un ensame de científicos baxo la direición de [[Christophorus Clavius]] pa corrixir la deriva secular del [[calendariu xulianu]], utilizáu dende que [[Xuliu César]] lu instaurare nel añu [[46 edC]]<ref>El calendariu xulianu yera básicamente'l [[calendariu exipcianu]], el primer [[calendariu solar]] conocíu qu'establez l'añu de 365,25 díes</ref>. La so denominación lleva'l nome del so impulsor [[Gregoriu XIII]], [[papa]] de [[1572]] a [[1585]]. El so puntu de partida, l'añu [[1]], correspuende al añu estimáu como'l de la nacencia de [[Xesús|Xesús de Nazareth]].

 

 

La reforma gregoriana naz de la necesidá de llevar a la práctica unu de los acuerdos del [[Conceyu de Trento]]: el d'axustar el calendariu pa desaniciar el desfase producíu dende un conceyu anterior, el primer [[Conceyu de Nicea I|conceyu de Nicea]], de [[325]],<ref>El Conceyu de Nicea foi'l primer gran conceyu ecuménicu de la Cristiandá, convocáu pol emperador [[Constantín]]</ref> nel que s'afitara'l momentu astral nel qu'habíen celebrase la [[pascua]] y, con rellación a esta, les demás fiestes relixoses móviles. Lo qu'importaba yera la regularidá del calendariu [[Lliturxa|llitúrxicu]], pa lo que yera necesario introducir delles correiciones nel civil. Nel fondu, el problema yera acomodar el ''calendariu civil'' al ''[[añu]] trópicu''.

 

Nel I Conceyu de Nicea determinóse que se conmemorare la [[Pascua]] el domingu siguiente al [[plenilluniu]] posterior al [[equinocciu|equinocciu de primavera]] (nel hemisferiu norte; equinocciu de seronda nel hemisferiu sur). Aquel añu [[325]] l'equinocciu ocurriera'l día [[21 de marzu]],<ref> Dende l'añu 45 edC hasta'l 325 trescurrieren 370 años, dando llugar a un adelantu de cuasi trés díes na datación. Na fecha de celebración del primer conceyu de Nicea los equinoccios tuvieron llugar los díes [[21 de marzu]] y [[21 de setiembre]], y los [[solsticiu|solsticios]] foron los díes [[21 d'avientu]] y [[21 de xunu]]. Pero, mientres tuvo en vigor el calendariu xulianu, estos acontecimientos tuvieron llugar los díes 24 de los respectivos meses. Como col solsticiu de branu y d'hibiernu ocurren la nueche más curtia y la más llarga, les celebraciones paganes d'estes efemérides nocturnes pervivieron hasta güei, anque cristianizaes baxo les advocaciones de San [[Xuan Bautista]] (''[[Nueche de San Xuan]]'') y de la [[Navidá]] (''[[Nueche Bona]]''), pero yá nun coinciden colos respectivos solsticios.</ref> pero col pasu del tiempu la fecha del eventu fora adelantándose hasta'l puntu de qu'en [[1582]], el desfase yera yá de 10 díes, y l'equinocciu fechóse nel [[11 de marzu]].

 

== Referencies ==