Diferencies ente revisiones de «Wikipedia:Chigre/Archivu/2015»

Hola a toos. Soi nuevu en Uiquipedia, pero me trescalé de la llabor que toos táis faciendo y dedico acaldía a traducir unos cuantos artículos del castellanu al asturianu. Vais a ver, encárgome d'artículos sobre inseutos, que en Wikipedia n'español tienen un tamañu que va dende'l bien pequeñu al medianu, ye por esi motivu que llegué a faer al día unos diez artículos, la gran mayoría bien pequeños, pero que contribúin a espandir y ameyorar Uiquipedia. Con bastante decepción pudi ver qu'un artículu que suel ser estensu y bien llográu como ye'l de los Insectos n'otres Wikipedias n'asturianu nun tenía nin conteníu nin dirixía a enllaces internos qu'esistieren (esto ye, taben toos en bermeyu). Tamién pudi contemplar que'l númberu qu'apaez nel portal indicando cuántos artículos hai en Uiquipedia nestos momentos crez del orde d'unos 10 o 20 artículos al día (Wikipedia n'español crez unos 150 al día, y yá ye pocu). La mio propuesta ye que nos coordinemos unos diez usuarios pa faer una media de diez artículos al día sobre inseutos, yá sían pequeños, encargándose cada unu d'un xéneru o un filu distintu, y asina faer que pa finales de setiembre o entamos d'ochobre Uiquipedia tenga conteníu destacable sobre estos artrópodos. Digo esto porque sé qu'hai artículos en Uiquipedia bonos, pero la gran mayoría falen sobre Asturies (que ta perbién esto), y creo qu'hemos de consiguir que Uiquipedia nun sía un proyectu wiki namá dedicáu a la conocencia n'asturianu sobre Asturies, sinón que tamién tien de xeneralizase y consiguir que dalgún día Uiquipedia pueda ser un referente pa los asturianofalantes y que sirva pa buscar información de cualquier cosa na so llingua materna (yo, como dixi, propongo empezar polos insectos, que ye una tema con munchos artículos pequeños y fácil de traducir). Espero recibir el vuesu sofitu. Si en cuenta de insectos queréis otra cosa tamién toi dispuestu, la cuestión ye espandir Uiquipedia unos cien artículos al día. ----[[Usuariu:Finesfacil|Finesfacil]] ([[Usuariu alderique:Finesfacil|alderique]]) 22:23, 5 setiembre 2013 (UTC)

:La to idea ye bona. Pero non a toos presta-yes escribir sobro inseutos, y tamién hai otres temes que podríen ser trataos. Paezme bono tamién nun solo escribir sobro Asturies, ya qu'una enciclopedia debe tener un calter internacional. Caún equí trabaya según les sos capacidaes, dalgunos "detrás de bastidores" nel sofware y otros sobro los artículos y demás. Anímote a siguir trabayando darréu sobro los inseutos. --[[Usuariu:Sahaquiel9102|Saḥa]] - Yes un Suaño qu'enxamás escaeceré - [[Usuariu alderique:Sahaquiel9102|Fálame]] 21:23, 10 setiembre 2013 (UTC)