Diferencies ente revisiones de «Seixeles»

Seychelles algamó la independencia, col estatus de república asociada a la [[Mancomunidá de Naciones|Commonwealth]], en [[1976]]. Nesa década les Seychelles yeren un llugar de descansu pa la ''jet set''<ref>[http://www.telegraph.co.uk/travel/destinations/africaandindianocean/seychelles/732553/Seychelles-Lifes-a-breeze-near-the-equator.html Reportaxe sobre las Seychelles nel ''The Daily Telegraph'' de Londres]</ref>, pero en [[1977]] el presidente [[James Mancham]] foi depuestu por un güelpe d'estáu dirixíu por [[France Albert René]]. Esti yera contrariu a la dependencia económica esclusiva del turismu, y declaró que quería recuperar les islles pa los sos habitantes<ref>[http://www.telegraph.co.uk/travel/destinations/africaandindianocean/seychelles/732553/Seychelles-Lifes-a-breeze-near-the-equator.html Reportaxe sobre las Seychelles nel ''The Daily Telegraph'' de [[Londres]]]</ref>. La constitución promulgada en [[1979]] convirtió el país nún estáu socialista de partíu únicu, y había selo hasta [[1991]].

Na década del 1980 hebo varios intentos de deponer al presidente, dalgunos con axuda de la [[República Sudafricana]]. Asina, en [[1981]] Mike Hoare, al frente d'un grupu de 43 mercenarios sudafricanos antroxaos de xugadores de rugby qu'aportaben al archipiélagu pa pasar les sos vacaciones intentaron facese col poder. Hebo una batalla nel aeropuertu, y munchos de los mercenarios consiguieron escapar tres de secuestrar un avión de la compañía [[Air India]]<ref>[http://www.telegraph.co.uk/travel/destinations/africaandindianocean/seychelles/732553/Seychelles-Lifes-a-breeze-near-the-equator.html Reportaxe sobre las Seychelles nel ''The Daily Telegraph'' de Londres]</ref>. En [[1986]] otru güelpe, dirixíu pol ministru de Defensa [[Ogilvy Berlouis]], obligó al presidente René a pidí-y ayuda a la [[India]]. Un navíu de guerra indiu, el INS Vindhyagiri, llegó al puertu de Victoria p'albuertar el intentu de güelpe d'estáu<ref>[https://www.academia.edu/7698363/Flowers_Are_Blooming_the_story_of_the_India_Navys_secret_operation_in_the_Seychelles David Brewster and Ranjit Rai, La historia de la operación secreta de l'Armada india nes Seychelles (n'inglés)]</ref>.

Tres de la disolución de la [[Xunión Soviética]], en setiembre de 1991, el presidente René anunció la vuelta al multipartidismu. Enmendose la Constitución, y a finales de xunetu de [[1993]] cellebráronse les primeres eleiciones presidenciales y llexislatives, que ganó otra vuelta René. Faría lo mesmu nas vinientes hasta que, en [[2004]], pasó-y el cargu al so vicepresidente [[James Michel]]. En xineru de [[2013]] les islles declararon l'estáu d'emerxencia porque'l ciclón tropical Fellen causó lluvies torrenciales que provocaron inundaciones y argayos qu'estrozaron miles de cases<ref>[http://www.aljazeera.com/weather/2013/01/201312993838165255.html "Estáu d'emerxencia declaráu nes Seychelles" (n'inglés), na web d'Al Jazeera)]</ref>.