Espresionismu

L'espresionismu foi un movimientu cultural surdíu n'Alemaña nel entamu del sieglu XX, y que va desarrollar tanto nes artes plástiques como en lliteratura, música, cine, teatru, baille o fotografía. Caracterízase por representar el mundiu dende un puntu de vista típicamente suxetivu ya emocional col envís cuasi siempre de producir nel espectador determinaes idees o un estáu d'ánimu. Al contrariu que, por exemplu, nel Impresionismu y nel Naturalismu, los artistes espresionistas defenden un arte más personal e intuitivu nel que tenga predominiu la visión interior del artista –la “espresión”– más que la representación de la realidá –la “impresión”.