Banco Bilbao Vizcaya Argentaria

Bancu Bilbao Vizcaya Argentaria (BBVA) ye una entidá bancaria española, presidida por Francisco González. Ye la primer entidá financiera de México, segunda n'España y Perú, y tercera en Venezuela.

El bancu tien la so see social y fiscal na ciudá onde foi fundáu, Bilbao. La mayor parte de los servicios centrales de la entidá y la so see operativa concéntrense principalmente nes sos oficines centrales de Madrid, asitiaes nel complexu Ciudá BBVA de la zona de Les Tables. La so see de servicios téunicos atópase na bilbaina Torre BBVA de Gran Vía, 1.