Asturllionés

Bienllegáu/ada a la mio páxina d'alderique. Por favor, pon el to nome y la fecha del comentariu inxertando ~~~~ al final del mesmu.
Calca equí pa falar d'un asuntu nuevu.

Correcciones

¡Hola! Ye d'agradecer que venga xente nueva per equí, y más si ye con iniciativa, y contribuya pa que la wikipedia siga viva y tenga continuidá, sobre too nesti últimu añu que baxó bastante la participación. Tuvi mirando dalgunes de les tos ediciones, y hai delles coses que nun me gusten, o meyor dicho, coses que nun habríes facer. Lo que vi ye que cambies unes pallabres, asturianes, correctes y válides dafechu, por otres, tamién asturianes, correctes y válides; ye por exemplu lo que fixesti nel artículu del Vaticanu, que camudesti'l relativu "onde" por "u", "depués" por "dempués" o'l superlativu "importantísimes" por "perimportantes": les formes que yá taben son correctes y válides, por qué (y pa qué) entóncenes el cambiu. Nun voi cambiar nada, solo un equivocu que cometisti (que ye poner pospuestu'l pronome átonu con verbu cuando ésti ta subordináu). Chau! --etienfr (¡Vamos parolar!) 19:20, 17 xunu 2013 (UTC)

Sí, tienes razón no d'amosar toles posibilidaes que nos ofrez l'asturianu y da-yos usu; pero eso nun podemos nin habemos facelo camudando coses que tean bien escrites. Como dixi, nun voi cambiar nada de lo que cambiesti (sacantes l'equivocu que te comenté). De toles maneres, cuido que nun ye comeniente que nun mesmu testu, ensin necesidá, mostrar tola bayura de sinónimos y formes equivalentes, sobre too pa dar un poco de coherencia a un mesmu testu (si nun testu solo apaez "anque", ¿qué problema hai?).--etienfr (¡Vamos parolar!) 19:40, 17 xunu 2013 (UTC)

Plantíes

Bones. Lo que ves del baille que me traigo coles plantíes ye porque van facer falta pa poner los estaos de les traducciones y aceutación de la comunidá cuando me ponga coles traducciones de les polítiques de Wikipedia. Ye una copia de les que gasten en es-wiki, que tienen la ventaya d'usar CSS y, si cansamos d'elles un día, nun tenemos más que camudar l'estilu xenéricu ensin falta de tocar una por una. Agora habrá que camudar les plantíes d'avisu esistentes pa qu'usen la metaplantía, pero pa eso nun hai tanta priesa. --Oriciu (alderique) 15:38, 18 xunu 2013 (UTC)

Nomes

Bones. Tengo una duda. Ye Alcalá de Henares o Alcalá d'Henares n'asturianu? Gracies! --Sa (alderique) 13:21, 20 xunu 2013 (UTC)

Sestaferia

Paez que furruló lo que me pidíes ;) --Oriciu (alderique) 18:22, 23 xunu 2013 (UTC)

Asturllionés

Sobre'l términu país, remítome a l'aclaración na páxina d'alderique y tocántenes a los cambeos ortográficos cuido que fixi una bona revisión. Correxí l'apartáu d'Etimoloxía porque en conxuntu taba nun asturianu un tantu macarrónicu, lo que nun quita qu'introduza otros sinónimos cola intención de da-y mayor dicción al testu. Tamién igüé una plantía pa les subdivisiones de los estaos en sustitución de la plantía de comunida autónoma.--Denis (alderique) 23:02, 17 xunetu 2013 (UTC)

Topónimos

Bones, paezme que ye necesario qu'incluyas referencies bibliográfiques qu'afiten la validez de los artículos que tas creando con topónimos tradicionales. Un saludu. --Vítor Suárez (alderique) 09:47, 22 xunetu 2013 (UTC)

Borrar y destruir

¡Hola! Yá, hai que facer una bona llimpieza con esos artículos, pero'l problema ye que yo nun soi alministrador, polo que nun puedo borrar artículu dalu. Coménta-yoslo a Zato-ino o a Oriciu, que son los alministradores activos agora pequí.--etienfr (¡Vamos parolar!) 13:16, 18 mayu 2014 (UTC)

Bones. Yá di una pasada peles categoríes de Borrar y Destruir. Cuido que lo que queríes colos artículos de Comarca del Navia-Eo ye llimpiar los esistentes y dexar sólo esi artículu. Ya lu treslladé, si nun ye eso lo que queríes, dime l'esquema y miro qué puedo facer.

Cuando quieras quitar un artículu que creasti por error, ye más fácil pone-y la plantía Destruir, porque los alministradores podemos desanicialu dafechu; inda más cuando ye un pidimientu del propiu usuariu. La plantía de Borráu ye pa cuando ye necesario votar el desaniciu y los alministradores tenemos que mirar les páxines de votaciones. Un saludu, y nun tengas problema p'avisar a la «sala de máquines» cuando lo necesites. --Oriciu (alderique) 20:56, 18 mayu 2014 (UTC)

Plantía conceyu asturianu

Vas querer matame, pero pa poder centrar el testu de la bandera y l'escudu tuvi que cambiar el formatu de la plantía, polo qu'hai coses que tuvi de poner d'una manera y non como taben codificaes hasta'l momentu. Nada cuco, ente que tengo delles semeyes d'ayuntamientos y qu'hai campos nuevos a rellenar (mancomunidá, santu patrón...) con iguar a plantía en trés artículos al día vamos faciéndolo en dos selmanes guapamente. Ea, a espatuxar XD...--Denis Soria (alderique) 11:51, 23 mayu 2014 (UTC)

Votación pal cambiu de nome de los proyectos wiki n'asturianu

¡Hola! Con esti mensaxe quiero informate de que vengo d'entamar una votación pa cambiar y correxir los nomes de los proyectos wiki n'asturianu. Hai trenta díes, hasta'l 24 de xunu d'esti añu pa votar. Les razones y xustificaciones puedes lleeles nel chigre; por favor, lleiles enantes de tomar una decisión. Pido la to colaboración y el to votu, seya'l que seya. Munches gracies.--etienfr (¡Vamos parolar!) 07:57, 25 mayu 2014 (UTC)

Llingua de Signos

hello, I am writing in English, even if they are native speakers of Italian.. I wanted to ask you a favor, since you're Asturian native speakers and if you wanted to correct my draft?? --SurdusVII (alderique) 19:04, 21 avientu 2014 (UTC)