Diferencies ente revisiones de «Periodu orbital»
Sin resumen de edición |
(Nun hai diferencies)
|
Revisión a fecha de 17:05 28 och 2006
El períodu orbital ye'l tiempu que tarda un planeta o un satélite (u otru oxetu) en completar la so órbita.
Cuando se trata d'oxetos qu'orbiten alredor del Sol esisten dos tipos de períodos orbitales:
- El períodu sidéreu ye'l tiempu que tarda l'oxetu en dar una vuelta completa alredor del Sol, respeutu de les estrelles. Ésti considerase l'auténticu períodu orbital del oxetu.
- El períodu sinódicu ye'l tiempu que tarda l'oxetu en volver a apaecer nel mesmu puntu del cielu respeutu del Sol, cuandu s'observa dende la Tierra. Ésti ye'l tiempu que trescurre ente dos conxunciones socesives col Sol, y ye'l períodu orbital aparente.
El períodu sinódicu y el períodu sidéreu difieren yá que la Tierra, a la so vegada, da vueltes alredor del Sol.
Rellación ente'l períodu sidéreu y el períodu sinódicu
Copérnico desendolcó una fórmula matemática pa rellacionar los períodos sidéreu y sinódicu d'un planeta.
N'adelantre s'emplegarán los símbolos siguientes:
- P = períodu sidéreu del planeta
- S = períodu sinódicu del planeta
- T = períodu sidéreu de la Tierra
A lo llargu del tiempu S, la Tierra percuerre un ángulu de (360º/T)S (supóngase una órbita completamente circular) y el planeta muevese (360º/P)S.
Consideremos el caso d'un planeta interior, ye dicir, un planeta que tarda menos que la Tierra en dar una vuelta al Sol.
- (360º)/P)S = (360º/T)S + 360º
Usando l'álxebra obtenemos
- 1/P = 1/T + 1/S
Pa un planeta esterior, procedese de forma análoga:
- 1/P = 1/T - 1/S