Estadiu Anxo Carro
L'Estadiu Anxo Carro ye un estadiu de fútbol asitiáu nuna de les riberes del ríu Miño na ciudá de Lugo, en Galicia, España. Ye l'estadiu nel que'l Club Deportivo Lugo apuesta los sos partíos como llocal, inauguróse'l 31 d'agostu de 1974 y na actualidá tien una capacidá pa 8.168 espectadores.
| Estadiu Anxo Carro | |
|---|---|
| estadiu de fútbol | |
 | |
| Llocalización | |
| País |  España |
| Autonomía |  Galicia |
| Provincia |  provincia de Lugo |
| Conceyu | Lugo |
| Coordenaes | 43°00′12″N 7°34′15″W / 43.0033°N 7.5708°O |
  Estadiu Anxo Carro Estadiu Anxo Carro (España) | |
| Historia y usu | |
| Apertura | 1974 |
| Deporte | fútbol |
| Usuariu | Club Deportivo Lugo |
| Aforu | 8100 |
 | |
Historia editar
L'estadiu foi inauguráu'l 31 d'agostu de 1974, mientres la segunda dómina que'l Club Deportivo Lugo apostó en Tercer División y cuntaba con una capacidá de 5.000 espectadores. Foi inauguráu con un triangular nel que participaron el mesmu Lugo, el Club Deportivo Lemos y el Real Club Deportivo de La Coruña, nesti tornéu'l vencedor foi'l Deportivo de La Coruña que vencó 1-0 al Club Deportivo Lugo quien primeramente ganara a los de Monforte de Lemos na tanda de penaltis del anterior alcuentru.
Recibe'l so nome d'Ángel Carro, encargáu de la construcción del antiguu campu según gran impulsor del deporte na ciudá y presidente del Círculu de les Artes de Lugo en 1934.
Nel añu 2001, l'estadiu foi remocicáu y modernizáu dafechu, pos s'atopaba nun estáu de semi-ruína debíu al pasu del tiempu a socesives obres ensin muncha planificación previa.[1] El proyeutu de reforma consisitió na renovación de los trés graes esistentes y nel allugamientu d'asientos en toles llocalidaes, la cortil ganó n'infraestructura pero perdió parte de la so capacidá que quedó establecida en 4.800 espectadores, toos sentaos.
Nesti campu apostóse'l 3 de xineru de 2007 la final de la Copa Xunta de Galicia qu'enfrentó al Club Deportivo Lugo col Celta de Vigo cola resultancia final de 2-3 pa los de Vigo.
En 2013, col club na Lliga Adelante, y ante la imposibilidá d'atender la demanda d'aforu esixida en partíos de rivalidá rexonal o fronteriza (Sporting de Xixón, SD Ponferradina o Deportivo), el club llegó a un alcuerdu con un empresariu local por que ésti instalara y xestionara una grada supletoria no fondero sur. Dicha grada cuntaba con un aforu pa 2186 espectadores, colo que la capacidá total del estadiu quedó afitada en 8.168 espectadores. Orixinalmente, l'estadiu tenía 2.221 asientos na grada xeneral, 2.827 na grada de tribuna y 952 no fondero norte. Estos asientos sumaben un aforu de 6.000 espectadores sentaos, d'ende que la grada supletoria, que cunta con 2.186 asientos, supunxera un aumentu de capacidá hasta los 8.168 espectadores sentaos.
Trátase amás del cuartu terrenal de xuegu del fútbol profesional español tocantes a midíes refierse, namái superáu pol Estadiu Martínez Valero, el Ciutat de Valencia y Son Moix.[2]
Referencies editar
- ↑ «Remodelación del Estadiu Anxo Carru de Lugo». Consultáu'l 28 d'avientu de 2012. (enllaz rotu disponible n'Internet Archive; ver l'historial y la última versión).
- ↑ «El Angel Carru ye'l cuartu mayor campu». Consultáu'l 28 d'avientu de 2012.
Enllaces esternos editar
Datos: Q1348052
Multimedia: Estadio Anxo Carro
