Estadiu Olímpicu de Londres

Artículu revisáu

L'Estadiu Olímpicu de Londres (n'inglés: London Olympic Stadium) foi'l principal estadiu de los Xuegos Olímpicos y Paralímpicos de Londres 2012. L'estadiu ta asitiáu nel interior del Parque Olímpicu de Londres, en Marshgate Lane en Stratford en Lower Lea Valley. L'entamu de construcción del estadiu foi'l 22 de mayu de 2008.

Estadiu Olímpicu de Londres
London Stadium (en)
estadiu de fútbol, rugby league venue (en) Traducir, estadio de rugby a 15 (es) Traducir, estadio de béisbol (es) Traducir y Pista de xuegu
Llocalización
PaísBandera del Reinu Xuníu Reinu Xuníu
Nación constitutivaBandera de Inglaterra Inglaterra
Rexón Londres
Condáu ceremonial Gran Londres
Borough Newham (es) Traducir
Villa Stratford
Coordenaes 51°32′19″N 0°00′59″W / 51.5386°N 0.0164°O / 51.5386; -0.0164
Estadiu Olímpicu de Londres alcuéntrase en Reinu Xuníu
Estadiu Olímpicu de Londres
Estadiu Olímpicu de Londres
Estadiu Olímpicu de Londres (Reinu Xuníu)
Historia y usu
Xuegos Olímpicos de Londres 2012 2012
Xuegos Paralímpicos de Londres 2012 2012
Copa Mundial de Rugby de 2015 (es) Traducir 2015
Campeonatu Mundial d'Atletismu de 2017 2017
Campeonato Mundial de Atletismo Adaptado 2017 (es) Traducir 2017
Dueñu E20 Stadium (es) Traducir
Deporte fútbol
rugby league
rugbi a 15
Béisbol
atletismu
Usuariu West Ham United Football Club 2016 - 2115
UK Athletics (en) Traducir 2013 - 2063
Aforu 60 000
Arquiteutura
Arquiteutu/a Populous (es) Traducir
Constructor Sir Robert McAlpine (es) Traducir
Inxenieru d'estructures BuroHappold (es) Traducir
Costu 486 000 000 £
Web oficial
Cambiar los datos en Wikidata
L'estadiu mientres los Xuegos Olímpicos de Londres 2012.

Tres los xuegos va pasar a tener permanentemente 60.000 asientos, tamién va convertise nun nuevu llar pal atletismu y pal West Ham United Football Club (abandonando'l Boleyn Ground) a partir de la temporada de la Premier League 2016/2017, combinando con otros deportes, la comunidá y l'usu del estadiu pa fines educativos.[1] En 2017, va acoyer el Campeonatu Mundial d'Atletismu.[2]

Diseñu editar

El diseñu del estadiu foi llanzáu'l 7 de payares de 2007. So un conceutu d'un "únicu estadiu con 80.000 asientos", ye la pieza central de los Xuegos de 2012, sede de l'apertura y clausura de les olimpiaes y eventos d'atletismu.

L'arquiteutu, Populous, ye una empresa especializada nel diseñu d'instalaciones deportives y centros de convenciones, según na planificación d'eventos especiales. La construcción llevó cuatro años, a partir de 2007 hasta 2011.

En xunu de 2009, la pista d'atletismu del estadiu foi escavada nel magre blandu del sitiu. La rimada natural del terrén incorporóse nel diseñu, con zones de calentamientu y vestidores que s'escavaron nuna posición de semi-suétanu, nel estremu inferior. Darréu, construyóse un platu desmontable d'aceru llixero y una estructura a un nivel cimeru de formigón p'afaer a 55.000 espectadores.

Ensin batura a duldes, la so carauterística más notable ye'l so techu colgante circular, sosteníu a tensión por cables d'aceru y fácilmente desmontable. Fízose a partir d'un cloruru de polivinilo (PVC) ríxidu de tela ensin ftalatos, pa caltener los costos baxos.

Otramiente, otra carauterística particular ye la so envoltura o cubierta esterior fecha d'un material plásticu. La envoltura ye de 20 metros (66 pies) d'altu y de 900 metros (1000 yardes) na circunferencia del estadiu.

El 4 d'agostu de 2011, anuncióse que Dow Chemical Company financiaría una cubierta pal estadiu, en cuenta de tar autorizada p'asitiar publicidá nella hasta'l 26 de xunu de 2012, momentu nel que tola propaganda y los logotipos teníen de retirase por esixencies del COI.

La envoltura fízose a partir de poliéster y polietileno. La instalación d'esta cubierta empecipió'l 14 d'abril de 2012.

L'estadiu dempués de los Xuegos Olímpicos editar

 
Interior del Estadiu Olímpicu.

Nuna midida polémica ya insólita, l'estadiu va ser baltáu en parte y restructuráu, en vista del so altu costu de caltenimientu. Per otru llau, la ciudá yá tien un estadiu nacional de grandes dimensiones pa ciertos eventos deportivos, l'Estadiu de Wembley y nun se consideró conveniente competir con él.

Por esi motivu, el gobiernu británicu decidió arrendalu, resultando como oferentes los clubes londinenses de fútbol Tottenham Hotspur F.C. y el West Ham United, cola condición de que nun se debía baltar la totalidá de la obra construyida. Dempués d'un trabayosu bracéu llegal mientres dellos meses, en marzu de 2011 dióse-y la concesión d'arriendu con opción de compra al West Ham, una vegada concluyíes les xustes olímpiques.[3]

El vicepresidente de los "hammers", Karren Brady, confirmó "la intención de presentar una ufierta pa faer usu del Estadiu Olímpicu mientres los próximos 99 años". Primeramente, la so propuesta implica dellos cambeos, como l'amenorgamientu del númberu d'asientos a 60.000, estender el techu, baños, construyir una zona comercial y una área pa convidaos especiales.

Polémiques editar

El costu oficial del estadiu olímpicu ye de £537 millones, lo qu'en términos de costu per asientu conviértelu nel estadiu más caru del mundu.

Na opinión d'Amanda Baillieu, esperta n'arquiteutura de www.bdonline.co.uk, l'estadiu nun tuvo bien entamáu dende la so concepción pa ufiertar un llegáu olímpicu a la comunidá, daqué que na so opinión, resulta esmolecedora, tomando en cuenta que se pagó con dineru público de los impuestos y de la llotería nacional.[4]

Referencies editar

Enllaces esternos editar