Estrilda melpoda

especie de páxaru

Les especies d'aves con nome común en llingua asturiana márquense como NOA. En casu contrariu, conséñase'l nome científicu. El picubermeyu de cara naranxa[2] (Estrilda melpoda) ye una especie d'ave paseriforme de la familia Muscicapidae qu'habita n'África Occidental y Central. Ye un páxaru comúnmente criada como ave de xaula.

Estrilda melpoda
picubermeyu de cara naranxa
Estáu de caltenimientu
Esmolición menor (LC)
Esmolición menor (IUCN 3.1)[1]
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Estrildidae
Xéneru: Estrilda
Especie: E. melpoda
(Vieillot, 1817)
Consultes
[editar datos en Wikidata]

Descripción editar

 
Pareya en cautividá.

El plumaxe de les sos partes inferiores y el so pileu ye gris. Les sos ales y cola son de color castañu buxu. La so cara ye de color naranxa, el so picu coloráu y el so gargüelu ablancazáu. El so obispillo ye acoloratáu. Los machos tien les manches de les mexelles tonos más naranxes más vivos.

Comportamientu editar

Suel vivir en pequeñes bandaes d'unos trenta individuos. Suel emitir agudos pips que son la meyor prueba de la so presencia. Como la mayoría de los estrildas son bien axilosos y realicen movimientos acrobáticos nes ramines y yerbes altes engatando y dexándose colgar pa consiguir comida.

Alimentación editar

Aliméntense principalmente de granes de gramínees que recueyen tantu direutamente de les plantes como del suelu. Complementen la so dieta con inseutos como les termites, los pulgones, mosques y mosquitos nematóceros, especialmente mientres la dómina de cría.

Reproducción editar

Esta especie añera nel suelu o ente la vexetación baxa camufláu coles yerbes circundantes y les que recueyen p'asitiales alredor. Forren l'interior con plumes, onde ponen ente 3 y 6 güevos blancos. La incubación dura 13 díes. Los pitucos dexen el nial a los 23 díes con un aspeutu similar al de los sos proxenitores pero con tonos naranxes más apagaos mientres los primeros meses.

Referencies editar

  1. BirdLife International (2012). «'Estrilda melpoda'» (inglés). Llista Roxa d'especies amenazaes de la UICN 2012.2. Consultáu'l 14 d'agostu de 2013.
  2. URL de la referencia: http://www.sabencia.net/nomenclator.php.

Enllaces esternos editar