Exxon Building (Nueva York)
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
L'Exxon Building (tamién conocíu pol nome de la so llocalización, 1251 Avenue of the Americas) ye un rascacielos de la ciudá d'Estaos Xuníos de Nueva York. Forma parte de la cabera expansión del Rockefeller Center, desarrollada nos años 60 y 70 del sieglu XX. Esa expansión, nomada XYZ Buildings, ta asitiada na sesta avenida (Sixth Avenue, tamién nomada Avenue of the Americas) de Manhattan. Los planos d'esti conxuntu d'edificiu foron diseñaos, en 1963, pol arquiteutu de la familia Rockefeller, Wallace Harrison, del despachu d'arquiteutos Harrison and Abramovitz.
| Exxon Building (Nueva York) | |
|---|---|
| Rascacielos | |
 | |
| Llocalización | |
| País |  Estaos Xuníos |
| Estaos |  Nueva York |
| Ciudá |  Nueva York |
| Borough |  Manhattan |
| Direición |
Sexta Avenida (es)  , 1251 |
| Coordenaes | 40°46′N 73°59′W / 40.76°N 73.98°O |
  Exxon Building (Nueva York) Exxon Building (Nueva York) (los EE.XX.) | |
| Historia y usu | |
| Apertura | 1972 |
| Dueñu |
Grupo Rockefeller (es) |
| Arquiteutura | |
| Arquiteutu/a | Wallace Harrison |
| Estilu | Estilu Internacional |
| Altor | 229 m |
| Pisos | 54 |
| Ascensores | 36 |
| Web oficial | |
 | |
Les lletres de los trés edificios correspuenden al so altor. L'Exxon Building ye l'edificiu X, el más altu colos sos 229 m y 54 plantes; foi'l segundu n'acabar de construyise, en 1971. L'edificiu Y ye'l McGraw-Hill Building, asitiáu nel 1221 de la sesta avenida; foi'l primeru en construyise, en 1969, y ye'l segundu mayor con 205 m y 51 plantes. L'edificiu Z, el más pequeñu y el más xoven, ye'l Celanese Building, asitiáu nel 1211 de la sesta avenida; tien 180 m d'altor y 45 pisos.
L'Exxon Building ye'l segundu edificiu más altu del conxuntu del Rockefeller Center dempués del GE Building. Pese a que'l so altor fai d'elli ún de los 100 edificios más altos de los Estaos Xuníos ye imposible velu dende la distancia, porque ta arrodiáu d'edificios de más de 150 m d'altor.
No que cinca a la so estructura arquitectónica, ye una torre rectangular con armadura d'aceru. La so fachada, igual a la de los otros dos edificios del conxuntu, ye de cristal separtaos por bandes verticales estreches d'aluminiu y piedra caliar. Na so decoración interior destaca, nel so atriu, una reproducción autorizada y fecha aposta pa ubicala ellí d'un tapiz fechu por Pablo Picasso pal ballet Mercure.
Referencies
editarEnllaces esternos
editar- (n'inglés) L'Exxon Building na web Emporis.com
- (n'inglés) L'Exxon Building na web Skyscraperspage.com
Datos: Q173498
Multimedia: 1251 Avenue of the Americas
