Falla transformante

Falla o cantu atanante ye'l cantu de desplazamientu llateral d'una placa tectónica al respective de la otra. La so presencia ye notable gracies a les discontinuidaes del terrén.

Falles transformantes (llinies coloraes).

Hai dos tipos de falla transformante: les que segmentan les dorsales mesoceánicas y les que formen los cantos pasivos ente plaques tectóniques continentales.

Nes falles o cantos transformantes que formen los cantos pasivos ente plaques tectóniques, les plaques muévense una al llau de la otra horizontalmente, ensin producir nin destruyir litosfera. La falla transformante más conocida d'esti tipu ye la falla de San Andrés, en California (EE. XX.).

Les que se producen nos cantos constructivos de plaques son les qu'estremen les dorsales oceániques en segmentos más o menos curtios de trazu rectu, p'afaeles a un trazáu xeneral curvu o tropezosu o oblicuu al respective de la direición d'espansión del suelu oceánicu (ver imaxe a la derecha).

Los otros dos tipos de cantos de plaques tectóniques, los cantos converxentes y los cantos diverxentes, son tectónicamente activos y dambos con actividá volcánica acomuñada:

Un cantu converxente ye onde les plaques tectóniques topeten y, dependiendo del tipu de corteza implicada (oceánica-oceánica, oceánica-continental o continental-continental) produzse subducción y la formación d'arco isla o orogenia (creación de relieve y formación de nueva corteza continental).

Nun cantu diverxente les plaques tectóniques dixébrense, lo que provoca l'ascensu de material dende'l mantu y la creación de nuevu suelu oceánicu, esto ye, nueva corteza oceánica.

Ver tamién editar


Referencies editar

Enllaces esternos editar