Federación Española d'Esperantu
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La Federación Española d'Esperantu (n'esperantu Hispana Esperanto-Federacio, HEF) ye una asociación independiente y ensin ánimu de lucro fundada nel añu 1947. El so oxetivu ye la promoción de la llingua artificial Esperantu n'España. Tolos falantes d'Esperantu n'España faen parte d'ella. Tamién faen parte diverses asociaciones rexonales y llocales, asina como la so seición moza, la Sociedá Xuvenil Española d'Esperantu (n'esperanto Hispana Esperanto-Junulara Societo, HEJS). La federación ye miembru coleutivu d'UEA, que tien sede en Rotterdam, Países Baxos.
| Federación Española d'Esperantu | |
|---|---|
national section of UEA (en)  | |
| Direición | España |
| Historia | |
| Fundación | 1947 |
| Organigrama | |
| Presidente | Toño del Barrio |
 | |
La Federación proporciona información sobro la llingua esperantu, espubliza material informativu, edita llibros y realiza otres actividaes culturales. Tamién da a conocer la cultura española nos medios esperantistes internacionales. L'asociación apóyase na Fundación Esperantu, pa oxetivos financieros ya informativos. Nel añu de 1993 la Federación foi nomada oficialmente como de "utilidá pública", reconociendo'l so trabayu y oxetivos sociales y d'interés cultural.
Funcionamientu
editarLa Federación financiase principalmente poles cotizaciones de los sos miembros. De tiempu al tiempu, recibe apoyu monetariu de parte de persones, asociaciones privaes u organizaciones públiques como donaciones pa realizar proyeutos concretos, como por exemplu la espublización d'un llibru. L'alministración, progresu ya información tan a cargu d'un grupu de voluntarios coordinaos pola Xunta Alministrativa. La so sede principal t'asitiada en Madrid y tien oficines n'otres partes d'España. El presidente actual ye Toño del Barrio.
N'Asturies
editarN'Asturies alcuéntrase la seición rexonal Astura Esperanto-Asocio (Asociación Asturiana d'Esperantu, AEA) y tien la so sede na ciudá de Xixón, nel Campus Universitariu de Viesques. L'actividá de l'Asociación desarróllase como parte de la Cátedra Xovellanos d'Estensión ya imparten clases d'esperantu lo díes llunes y miércoles de 18:15 a 19:30. L'Asociación tamién espubliza un boletín y una revista na so web (Astura Bukedo).
Servicios
editar- Organizar el Congresu Español d'Esperantu
- Espublizar el boletín bimensual oficial de la Federación sobro l'actividá esperantista n'España y el mundiu. Los miembros menores de trece años tamién reciben la revista pa neños Juna Amiko y los menores de trenta la revista Kontakto y Koncize.
- Cursos d'esperantu a distancia por corréu y na rede.
- Venta de llibros y otros materiales n'esperantu o sobro l'esperantu.
Referencies
editarEnllaces esternos
editar
Datos: Q3091759
