Fernando Lasama de Araújo

Fernando Lasama de Araújo (26 de febreru de 1963, Manutaci ^(en)  – 2 de xunu de 2015, Dili) foi presidente del parllamentu de Timor Oriental dende'l 30 de xunetu de 2007, y presidente interín del país del 13 de febreru de 2008 al 17 d'abril de 2008, por mor del atentáu sufríu pol presidente José Ramos Horta.

Fernando Lasama de Araújo
Member of the National Parliament of East Timor (en)
Vida
Nacimientu	Manutaci (en) , 26 de febreru de 1963
Nacionalidá	Timor Oriental
Muerte	Dili, 2 de xunu de 2015 (52 años)
Oficiu	políticu
Premios	ver Reebok Human Rights Award  (1992)
Creencies
Relixón	catolicismu
Partíu políticu	Partido Democrático (es)

Nacíu en Manutasi, Ainaro, a los 12 años, foi testigu del asesinatu de 18 familiares pol exércitu indonesiu, lo que determinó'l so fervorosu deséu de soberanía timoresa, y el so compromisu y participación nes organizaciones xuveniles de la resistencia. Estudió lliteratura en Bali, Indonesia, y darréu ocupó'l cargu de secretariu xeneral (máximu cargu) de la RENETIL (Resistencia nacional de los estudiantes de Timor Oriental).

Tiempu en prisión

Foi afayáu pola ocupación indonesia nel exerciciu d'esti cargu, y foi sentenciáu a 6 años y 4 meses na prisión de Cipinang, Xakarta, la mesma na que cumplía la so condena Xanana Gusmão. Sobre esta dómina de cautiveriu afirmó:

"Foi nos años de Cinipiang nos qu'aprendí con Xanana y otros prisioneros políticos. La mio formación política vien de Cinipiang."

Pallabres diches na so campaña presidencial de 2007

En prisión, conoció a la que sería la so esposa, Jacqueline Siapno Aquino, autora en 2006 de testos publicaos n'Australia críticos al FRETILIN. Depués de cumplir la so condena, foi lliberáu en 1998.

Enllaces esternos

• Wikimedia Commons acueye conteníu multimedia sobre Fernando Lasama de Araújo.

• Datos: Q1373943
• Multimedia: Fernando de Araújo