Fi Ursae Majoris
Fi Ursae Majoris (φ UMa / 30 Ursae Majoris / HD 85235)[9] ye una estrella na constelación del sietestrellu de magnitú aparente +4,56. Alcuéntrase a 510 años lluz del Sistema Solar.
Coordenaes: 
9h 52m 6.354s, 54° 3′ 51.596″
Fi Ursae Majoris ye una estrella binaria cercana que les sos componentes son subxigantes blanques de tipu espectral A3IV. Adoptando una temperatura efectivo de 9800 K —consecuente col so tipu espectral—, puede calculase la lluminosidá y radiu de cada componente. Asina, la estrella principal ye 182 vegaes más lluminosa que'l Sol y tien un radiu de 4,7 radios solares. La estrella secundaria tien el 90% de la lluminosidá de la so compañera y un radiu 4,5 vegaes más grande que'l del Sol. Los periodos de rotación —calculaos a partir de la velocidá de rotación midida, 29 km/s— son inferiores a 8 díes. Amuesen ciertu empobrecimientu en metales —entendiendo como tales aquellos elementos más pesaos que'l heliu— respectu al Sol, con una bayura relativa de fierro en redol al 40% del valor solar. El sistema tien una edá cercana a los 220 millones d'años.[10]
El periodu orbital d'esta binaria ye de 105,4 años. La separación media ente dambes estrelles ye de 54 UA —anque tamién se suxurió que pudiera ser inferior, de 40 ~ UA—, magar la notable escentricidá orbital fai qu'ésta varie ente 30 y 79 UA. El postreru periastru tuvo llugar en 1987. El planu de la órbita tópase inclináu 25º respectu al planu del cielu.[10]
Referencies editar
- ↑ 1,0 1,1 1,2 1,3 1,4 Afirmao en: SIMBAD.
- ↑ Afirmao en: Catálogo de Estrellas Dobles Washington.
- ↑ 3,0 3,1 3,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ Ulrich Bastian (2000). «Catálogo Tycho-2». Astronomy and Astrophysics: páxs. 27–30.
- ↑ «Rotational velocities of A-type stars in the northern hemisphere. II. Measurement of v sin i» (n'inglés). Astronomy and Astrophysics (3): páxs. 897-911. ochobre 2002. doi:.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ «The atmospheric parameters and spectral interpolator for the MILES stars» (n'inglés). Astronomy and Astrophysics: páxs. 165–165. xunetu 2011. doi:.
- ↑ «MK classification for visual binary components» (n'inglés). The Astronomical Journal: páxs. 245–249. abril 1976. doi:.
- ↑ CCDM J09521+5404AB -- Double or multiple star (SIMBAD)
- ↑ 10,0 10,1 Phi Ursae Majoris (Stars, Jim Kaler)
Coordenaes: 9h 52m 6.354s, 54° 3′ 51.596″
Datos: Q3304520
