Fonte de los Cuatro Caños
La fonte de los Cuatro Caños ye una fonte pública urbana asitiada na plaza hómonima de La Corredoria, na parroquia d'Uviéu.
| Fonte de los Cuatro Caños | |
|---|---|
| Bien d'Interés Cultural | |
| fonte y monumentu | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Uviéu |
| Coordenaes | 43°23′04″N 5°49′30″W / 43.38454°N 5.82493°O |
  Fonte de los Cuatro Caños Fonte de los Cuatro Caños (Asturies) | |
| Patrimoniu | |
| BIC | RI-51-0007347[1] |
 | |
Ye Bien d'Interés Cultural cola categoría de Monumentu dende xineru de 1993.[2][3]
Ye una obra perteneciente a les edificaciones públiques del periodu de la Ilustración n'Asturies. Formaba parte de los elementos complementarios al trazáu de la Carretera de Castiella, como'l cercanu moyón de la media llegua. Esta carretera, que'l so oxetivu yera comunicar Asturies con Lleón y Castiella, foi unu de los proyeutos más importantes del reináu de Carlos IV. Foi proyeutada pol inxenieru Marcos Vierna, siendo diseñáu'l tramu Xixón-Uviéu pol inxenieru José Manuel Palacio San Martín en 1779 y acabáu pol arquiteutu Manuel Reguera en 1794, so la supervisión de Xovellanos.
Anguaño persisten trés caños de los cuatro que tuvo nos sos oríxenes y un llargu pilón de planta semicircular. Nel fuste hai una inscripción en llatín, al rodiu l'añu d'inauguración, responsables, etc, que diz:
CAROLI IV REGIS JU-
SU ET LARGUITIONE
ANNO CI(I)CCCXC.
GEGIONENSIS VIA SALIS
VECTIGALIBUS FACTA STRUC-
TI AQUEDUCTUS SALIENTES
ADJUNTI LEONE DE PUGA
FEIJOO ASTURICENSI SENA
TORE COETUS VIARIA PRAESI-
DE CURANTE REGUERA AR-
CHITECTO
POR MANDATU Y ARROGANCIA DEL REI CARLOS IV
FÍCOSE CON CARGU A LOS IMPUESTU DEL SAL
AÑU 1790.
ESTA CALZADA DE XIXÓN Y CONSTRUYÉRONSE
ESTOS CAÑOS QUE EQUÍ MANEN
SIENDO COMISARIU LEON DE PUGA
FEIJOO, REXIDOR D'ASTURIES
PRESIDENTES DE LA XUNTA DE CAMINOS,
Y SIENDO ARQUITECTU REGUERA
Foi restaurada pol Conceyu d'Uviéu en 1991. El 29 d'ochobre de 2009 el Conseyu de Patrimoniu del Principáu d'Asturies aprobó proteición a la redolada de la fonte y tamién pa otros bienes culturales de La Corredoria, como'l moyón de la media llegua y la Ponte Vieyu ente esta llocalidá y Llugones.[3] El resolvimientu de proteición d'estes redolaes foi aprobáu'l 1 de febreru de 2010.[4] El 13 de xunetu de 2019 pela madrugada foi estrozada por un conductor borrachu.[5]
Bibliografía
editar- «Ficha básica en el Registro de Bienes de Interés Cultural del Ministerio de Cultura» (castellán). Consultáu'l 6 de xunu de 2010.
Referencies
editar- ↑ «base de datos de monumentos de Wiki Loves Monuments» (13 payares 2017).
- ↑ «DECRETO 86/92, de 30 de xineru, por el que se declara "Bien de Interés Cultural" (Monumento) la Fuente de los Cuatro Caños, en La Corredoria, Oviedo (Asturias)» (en castellán). BOPA 20 de xineru de 1993 (15): páxs. 371.
- ↑ 3,0 3,1 M. P. (30 d'ochobre de 2009). La Nueva España (ed.): «Patrimonio fija un entorno de protección para la fuente de los Cuatro Caños» (castellán). Consultáu'l 2 de payares de 2009.
- ↑ M. D. D. (2 de febreru de 2010). «Cultura da el paso para la protección de los monumentos de La Corredoria» (castellanu). La Voz de Asturias. Consultáu'l 2 de febreru de 2010.
- ↑ Lucas Blanco (13 de xunetu de 2019). «Accidente en la fuente de cuatro caños» (castellán). La Nueva España. Consultáu'l 13 de xunetu de 2019.
Enllaces esternos
editar
Wikimedia Commons acueye conteníu multimedia sobre Fonte de los Cuatro Caños.
Datos: Q5870267- Multimedia: Fountain of the Cuatro Caños
