Frades

Frades
Alministración
País	España
Autonomía	Galicia
Provincia	provincia d'A Coruña
Tipu d'entidá	conceyu de Galicia
Alcalde de Frades (es)	Roberto Rey Martínez
Nome oficial	Frades (gl)
Códigu postal	15686 y 15685
Xeografía
Coordenaes	43°02′58″N 8°17′01″W / 43.0495°N 8.2837°O
	Frades Frades (España)
Superficie	81.61 km²
Llenda con	Ordes, Mesía, Boimorto, Arzúa, O Pino y Oroso
Demografía
Población	2246 hab. (2023); - 1162 homes (2019); - 1177 muyeres (2019)
Porcentaxe	0.2% de provincia d'A Coruña
Densidá	27,52 hab/km²
Más información
Estaya horaria	UTC+01:00
	frades.gal

Frades ye un conceyu d'España na provincia de La Coruña, comunidá autónoma de Galicia. Pertenez a la contorna d'Ordes.

Con capital en San Mauro, ta asitiáu na zona central de la provincia de La Coruña, con 12 parroquies y 138 entidaes de población (aldegues).

Límita al norte con Mesía, al este con Boimorto, al sur con Arzúa, O Pino y Oroso y al oeste con Ordes.

El so mayor nucleu de población ye Ponte Carreira, na N-634, que xune Irún con Santiago de Compostela. Esti nucleu de población ta en realidá formáu pelos estremos de dos parroquies de la zona que son Gafoi y Ledoira.^{[ensin referencies]} D'antiguo esta llocalidá celebraba un gran mercáu de ganáu, que cola execución de la nueva carretera y la falta d'aición local, acabó sumiendo. Como servicios consta en centru médicu, colexu públicu, farmacia, caxa d'aforros y bancu, drogueria, supermercáu, materiales de construcción y ferretería y numberosos cafés y chigres. Pa visitar destaquen la zona fluvial d'Aiazo y la presa que s'atopa na so llende col conceyu d'O Pino.

La distancia que la dixebra de la capital provincial ye d'unos 52 km. El conceyu yera ruta de camín ente Sobrado dos Monxes y Compostela, existíendo una posada nel llugar de Castiñeiro Redondo (Moar), na parte del conceyu Oroso. La casa nᵘ1 del llugar de Castiñeiro Redondo, güei sumida, pertenecía a la familia Mandayo Rei. Les sos tierres atestaben coles de les Llinares Rivas, dueños del Palaciu de Galegos. La mentada familia taba amestada a la de Ares García, conocíos polos de "O Fidalgo", nel cercanu llugar de Queirís. Llugar nel que al paecer esistió un Palaciu, quiciabes destruyíu dafechu escontra 1958, del que nun se llograron más datos.

Perteneció, nel Antiguu Réxime a la provincia de Santiago, tando'l so territoriu estremáu ente dos jurisdicción: la de Mesía y la de Folgoso, esta postrera so tutelar del Conde de Altamira.

Ente los sos monumentos y otros llugares d'interés, tán: Palaciu en San Martiño de Galegos, onde nel añu 1690 pernoctó Doña Mariana de Neoburgu y el so hermanu, cuando viaxaben de Compostela a la corte (María Ana de Neoburgu, fía del eleutor del Palatináu, Federico Guillermo, embarcó nun puertu de Flandes y desembarcó en Mugardos a finales de 1689, a quien acompañó la escuadra inglesa del Almirante Russell. La comitiva viaxó per tierra faía La Coruña, a onde llegaron el 7 d'abril de 1960, para tres una selmana viaxar a Compostela) Carlos II, el so maríu, n'agradecimientu concedió a los sos propietarios el "derechu de cadena" (derechu d'asilu pa los que, escorríos pola llei, buscaben abellugu). Ermita nel monte de San Nicolás, la de San Roque, en Moar, la ilesia de Santa Mariña de Gafoi o la de San Xulián, en Céltigos.

La so población empadronada en 2010 yera de 2 648 persones (INE).

Demografía

Parroquies

Abellá (Santu Estevo)
Aiazo (San Pedro)
Añá (Santa María)
Céltigos (San Xulián)
Frades (San Martiño)
Gafoi (Santa Mariña)

Galegos (San Martiño)
Ledoira (San Martiño)
Mesos (San Salvador)
Moar (Santaia)
Papucín (Santa María)
Vitre (San Xoán)

Galería d'imáxenes

Carretera principal de Ponte Carreira, parroquia de Gafoi
Estatua n'homenaxe a la muyer rural, parroquia de Gafoi.
Detalle de l'anterior estatua

Referencies

↑ Afirmao en: Houses of the municipalities of Galicia. Data de consulta: 18 agostu 2019. Autor: Llista de presidentes de Galicia.
↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.

Enllaces esternos

[36a90b76b58deb0314636022960f26e0fd757b3f-1] Afirmao en: Houses of the municipalities of Galicia. Data de consulta: 18 agostu 2019. Autor: Llista de presidentes de Galicia.

[4aa567f4760d292d0ff63887ec8a7625a1eb7407-2] Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.

[1]

[2]