Frai Joaquín Fonseca

escritor asturianu (1822–1890)

Frai Joaquín Fonseca (10 de payares de 1822Siero – 18 de xineru de 1890Ávila) foi un relixosu asturianu perteneciente a la Orden de Predicadores.

Frai Joaquín Fonseca
rector Universidá de Santu Tomás, Filipines

1878 - 1880
Vida
Nacimientu Siero10 de payares de 1822[1]
Nacionalidá España
Muerte Ávila18 de xineru de 1890[1] (67 años)
Estudios
Estudios Universidá de Santu Tomás
Nivel d'estudios Philosophiæ doctor
doctor en teología (es) Traducir
Llingües falaes castellanu
Oficiu escritor, sacerdote católicu, teólogufilósofu
Creencies
Relixón Ilesia Católica
Orde relixosa Orde de Predicadores
Cambiar los datos en Wikidata

Con 18 años ingresó nel Colexu de los Dominicos Misioneros d'Asia de Ocaña (Toledo), onde fizo'l noviciáu, profesando'l 6 d'avientu de 1841. Al añu siguiente marchó pa Filipines, completando los sos estudios na Universidá Santo Tomás de Manila. Foi ordenáu sacerdote n'avientu de 1844 y graduáu de llector en teoloxía en 1847, entamando esi mesmu añu la enseñanza de filosofía na Universidá, llabor que fizo hasta 1851, añu nel que se graduó en teoloxía, faciéndose cargu de la cátedra hasta 1870.

Regresó a España en 1874, siendo nomáu Rexente d'estudios y profesor de teoloxía nel Colexu d'Ocaña, llabor que tamién llevó a cabu nel conventu de Santu Tomás d'Ávila.

Volvió nuevamente a Manila en 1878, ocupando'l cargu de Rector y Canciller de la Universidá Santu Tomás hasta 1880, añu nel que torna a España, siendo nomáu rexente d'estudios y catedráticu de teoloxía del Colexu de Courias (Cangas del Narcea). Nos años finales de la so vida volvió nuevamente a Ávila, hasta que'l 18 de xineru de 1980 una pulmonía acabó cola so vida a los 68 años d'edá.

Como escritor dio a la lluz una buena riestra de títulos de teoloxía, filosofía, poesía y historia.

Referencies editar

  1. 1,0 1,1 URL de la referencia: http://dbe.rah.es/biografias/33730/joaquin-fonseca-alvarez. Apaez como: Joaquín Fonseca Álvarez.

Enllaces esternos editar