Frederic Mistral

Frederic Mistral
presidente comité du museon Arlaten (en)
Capoulié (es)
Vida
Nacimientu	Maillane, 8 de setiembre de 1830
Nacionalidá	Francia
Llingua materna	occitanu
Muerte	Maillane, 25 de marzu de 1914 (83 años)
Sepultura	Cimetière de Maillane (en)
Familia
Padre	François Mistral
Madre	Adélaïde Mistral
Casáu con	Marie Mistral
Fíos/es	Marius Ferréol (en)
Estudios
Estudios	Aix-Marseille University (1896-1971) (en)
Llingües falaes	francés; occitanu
Oficiu	escritor, poeta, lexicógrafu
	Participante Museon Arlaten (es) ; Congress of Aix-en-Provence (en) ; Felibritge ;
Trabayos destacaos	Mirèio (es) ; Lou Tresor dóu Felibrige (en) ; Lis Isclo d'Or (en) ; Lou Pouèmo dóu Rose (en) ; Calendau (es)
Premios	ver caballeru de la Lexón d'Honor (14 agostu 1863) ; premio Vitet (1884) ; Oficial de la Lexón d'Honor (4 xineru 1895) ; Premio Alfred Née (1897) ; Premiu Nobel de Lliteratura (1904) ; Comendador de la Lexón d'Honor (28 mayu 1909) ;
Nominaciones	ver Premiu Nobel de Lliteratura ; (1901); Premiu Nobel de Lliteratura ; (1902); Premiu Nobel de Lliteratura ; (1903); Premiu Nobel de Lliteratura ; (1904);
Influyencies	Antoine Blaise Crousillat
Miembru de	Felibritge ; Sociedad Literaria y Científica de Castres (es) ; Celtic dinner (en) ; Academy of Sciences, Letters and Arts of Marseille (en)
Movimientu	Felibritge
Seudónimu	Mèste Franc, Gui de Mount-Pavoun, Cousinié Macàri, Michèu Gai, Lou Cascarelet, Grand la Borgno, Lou Felibre de Bello Visto, Un Maianen, Lou Felibre dóu Mas, Antoine Chansroux, Lou Canounge de N-D. de Casten, Lou Felibre de Bèuvezet, Lou Felibre Calu, Jan Chaplo Verne, Un Jouine Felibre, Lou Medecin di Torro, Tounin Clapo, Lou Tout-Obro y Ambròsi Boufarel
Xéneru artísticu	poesía

Frederic Mistral ( Frederi Mistral según les normes ortográfiques del Felibritge, Frédéric Mistral en francés), foi un escritor francés n'occitanu que vivió ente los años 1830 y 1914.

Foi miembru fundador del Felibrige, impulsor de la norma ortográfica conocida dacuando col so nome y inspirador de publicaciones como l' Armana Prouvençau y L'Aïoli. Nel campu de la lexicografía, dedicó más de venti años de trabayu a la redaición del monumental diccionariu Lou Tresor dóu Felibrige.

La so poesía, con obres como Mirèio, Calendau o Lou poeumo dóu Rose ta considerada como una de les meyores de tola historia de la lliteratura occitana.

Frederic Mistral foi reconocíu yá en vida como'l principal responsable del recobramientu del provenzal como llingua lliteraria na segunda metá del sieglu XIX. En 1904 recibió'l Premiu Nobel de Lliteratura.

Elementos biográficos

Frederic Mistral nació en Maillane (Provenza) el 8 de setiembre de 1830. Yera fíu d'unos terratenientes emparentaos con dalgunes de les families más antigües de Provenza.

Estudió bachilleratu en Nîmes y Derechu en Aix-en-Provence.

N'acabando los estudios, siguiendo los pasos de Josèp Romanilha y d'Honnorat, dedica los sos esfuercios al recobramientu y al estudiu del provenzal.

En 1852, tres de la muerte de so pá, instalóse dafechu na casería de la familia, conocida como'l Mas dau Jutge (Mas dóu Juge na norma ortográfica del Felibritge).

El 21 de mayu de 1854 tien llugar la fundación oficial del Felibritge nuna reunión en Font-Ségugne cerca d'Avignon, na que participó con otros seis poetes, ente los que destaquen Josèp Romanilha y Teodòr Aubanèu.

El llabor de Mistral, dende l'interior del Felibritge, foi decisivu na fixación de la norma llingüística y ortográfica que diba valir de bas pal recobramientu del provenzal como llingua lliteraria. Nesti sen, obres como Mirèio (1859), Calendau (1867), Lis isclo d'or (1875) o Lou pouemo dóu Rose (1897) representaron el modelu a imitar pa munchos poetes, dientro y fuera de Provenza.

Per otra parte, anque nun primer tiempu foi partidariu d'una ortografía más averada a la etimoloxía, adoptó bien ceo la norma creada por Romanilha. Mistral contribuyó al ésitu d'esi sistema ortográficu usándolu na versión definitiva de Mirèio, nos testos del Armana Prouvençau y otres publicaciones del Felibritge o incluso nes correiciones a les obres d'otros autores como Aubanèu. Anguaño, por fidelidá a Mistral, siguen mandándose d'él dellos escritores n'occitanu, principalmente en Provenza.

En 1854 entamó la redaición del Tresor dóu Felibrige, que nun peracabó hasta 1886. Esti diccionariu , que sigue siendo anguaño'l más completu de la llingua d'oc, contién innumerables variantes dialeutales y ortográfiques de cada pallabra. Sicasí, pue considerase un diccionariu normativu, al colocar sistematicamente al principiu de cada artículu la forma propia del provenzal rodanianu, preconizada polos autores del Felibritge.

Como capolier ("cabezaleru") del Felibritge, ente 1876 y 1888, ayudó a esparder movimientu per tol territoriu d'oc. Sicasí, la so aición trespasó les fronteres de Provenza y del dominiu llingüísticu occitanu. Partidariu de la creación d'una Unión llatina, entró en contautu colos autores de la Renaixença catalana, a los que dedicó'l poema La Coupo Santo y de la xoven Rumanía. Nesti sen, en 1868 viaxó a Barcelona pa participar nos Xuegos Florales y manifestó la so almiración por Jacint Verdaguer. En 1875, presidió les Fiestes llatines de Montpellier, nes que se coronó al poeta nacional rumanu Vasile Alecsandri.

En 1904 recibió, ex aequo col dramaturgu español José Echegaray, el premiu Nobel de Lliteratura . Dedicó'l dineru del premiu a la creación d'un Muséu na ciudá d'Arles.

Morrió'l 25 de marzu de 1914 nel so pueblu natal de Maillane.

Obres

En versu

Mirèio ( Mirelha ) - 1859
Calendau (Calendal) - 1867
La Coupo Santo ( La copa santa ) - 1867
Lis isclo d'or ( Les islles d'oru ) - 1875
Nerto (Nerta), narración en versu - 1884
La rèino Jano ( La reina Xuana ), drama en versu - 1890
Lou pouemo dóu Rose (El poema del Ródanu ) - 1897
Lis óulivado ( El tiempu de les aceitunes ) - 1912

En prosa

Lou tresor dóu felibrige (L'Ayalga del Felibritge) , diccionariu en dos volúmenes -1878 y 1886.
Moun espelido, Memòri e Raconte (El mio surdimientu, memories, y rellatos) - 1906.
Discours e dicho (Discursos y dichos) - 1906.
La genèsi, traducho en prouvençau (El Xénesis traducíu en provenzal) - 1910

Obres póstumes y inédites

Proso d'Armana (Prosa d'almanaque), recopilacion de testos asoleyaos na prensa 1926.
Nouvello Proso d'Armana (Nueva prosa d'almanaque)- 1927
Darriero Proso d'Armana (Última prosa d'almanaque) - 1930
Escourregudo pèr l'Itali (Excursión per Italia - 1930.
Mi Rapugo (Lo qu'apañé o Les mios guetes)

Referencies

↑ ^1,0 ^1,1 Afirmao en: Gran Enciclopedia Soviética (1969–1978). Sección, versículu o párrafu: Мистраль Фредерик. Data de consulta: 26 febreru 2017. Editorial: Большая Российская энциклопедия. Llingua de la obra o nome: rusu. Data d'espublización: 1969.
↑ ^2,0 ^2,1 ^2,2 Afirmao en: autoridaes BNF. Identificador BnF: 11916301p. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
↑ Afirmao en: autoridaes BNF. Identificador BnF: 11916301p. Data de consulta: 15 xunetu 2023. Autor: Biblioteca Nacional de Francia. Llingua de la obra o nome: francés.
↑ ^4,00 ^4,01 ^4,02 ^4,03 ^4,04 ^4,05 ^4,06 ^4,07 ^4,08 ^4,09 ^4,10 ^4,11 ^4,12 ^4,13 ^4,14 ^4,15 ^4,16 ^4,17 ^4,18 Afirmao en: Dictionnaire des auteurs de langue d'Oc de 1800 à nos jours. Páxina: 223. Editorial: Felibritge. Llingua de la obra o nome: francés. Data d'espublización: 2009. Autor: Jean Fourié.
↑ ^5,0 ^5,1 Afirmao en: autoridaes BNF. Identificador BnF: 11916301p. Data de consulta: 14 xunetu 2023. Autor: Biblioteca Nacional de Francia. Llingua de la obra o nome: francés.
↑ ^6,0 ^6,1 Afirmao en: Base Léonore. Llingua de la obra o nome: francés. Editorial: Ministerio de Cultura de Francia.
↑ URL de la referencia: https://www.nobelprize.org/nobel_prizes/literature/laureates/1904/.
↑ «Base Léonore» (francés). Ministerio de Cultura de Francia.
↑ ^9,0 ^9,1 ^9,2 ^9,3 Afirmao en: nobelprize.org. Identificador de nominación de persona al Premio Nobel: 6320. Editorial: Fundación Nobel. Llingua de la obra o nome: inglés.
↑ URL de la referencia: https://www.google.fr/books/edition/M%C3%A9moires_Et_R%C3%A9cits/knkWAAAAMAAJ?hl=fr&gbpv=1&bsq=%22ambr%C3%B2si+boufarel%22&dq=%22ambr%C3%B2si+boufarel%22&printsec=frontcover.

Enllaces esternos

Wikimedia Commons tien conteníu multimedia tocante a Frederic Mistral.

[dfdfeb9525549cec4559b73e4bcbc22513c7cd07-1] 1,0 ^1,1 Afirmao en: Gran Enciclopedia Soviética (1969–1978). Sección, versículu o párrafu: Мистраль Фредерик. Data de consulta: 26 febreru 2017. Editorial: Большая Российская энциклопедия. Llingua de la obra o nome: rusu. Data d'espublización: 1969.

[a97f5cde7a2ce149e75cfe444995083cd7a47e2a-2] 2,0 ^2,1 ^2,2 Afirmao en: autoridaes BNF. Identificador BnF: 11916301p. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[3860db2be73f3946999f060a035a6b2002ebd347-3] Afirmao en: autoridaes BNF. Identificador BnF: 11916301p. Data de consulta: 15 xunetu 2023. Autor: Biblioteca Nacional de Francia. Llingua de la obra o nome: francés.

[c2143db089f7cb081f489662f564a354efcc622e-4] 4,00 ^4,01 ^4,02 ^4,03 ^4,04 ^4,05 ^4,06 ^4,07 ^4,08 ^4,09 ^4,10 ^4,11 ^4,12 ^4,13 ^4,14 ^4,15 ^4,16 ^4,17 ^4,18 Afirmao en: Dictionnaire des auteurs de langue d'Oc de 1800 à nos jours. Páxina: 223. Editorial: Felibritge. Llingua de la obra o nome: francés. Data d'espublización: 2009. Autor: Jean Fourié.

[ab4955a9443746bfb6cdfde778a02c0e402fbdca-5] 5,0 ^5,1 Afirmao en: autoridaes BNF. Identificador BnF: 11916301p. Data de consulta: 14 xunetu 2023. Autor: Biblioteca Nacional de Francia. Llingua de la obra o nome: francés.

[35419e5dd4ffca2e0cefac58a4a2f6fff268e76e-6] 6,0 ^6,1 Afirmao en: Base Léonore. Llingua de la obra o nome: francés. Editorial: Ministerio de Cultura de Francia.

[f68174573e24d791d347694777aa5cb8805903ac-7] URL de la referencia: https://www.nobelprize.org/nobel_prizes/literature/laureates/1904/.

[a99b97c987e8a9c7def20dc5c8d1b58a46f027cf-8] «Base Léonore» (francés). Ministerio de Cultura de Francia.

[7b4b234d158f29624ffccc1417666a506d3540eb-9] 9,0 ^9,1 ^9,2 ^9,3 Afirmao en: nobelprize.org. Identificador de nominación de persona al Premio Nobel: 6320. Editorial: Fundación Nobel. Llingua de la obra o nome: inglés.

[db6b529237c55ad683bec118476cb711527aae3b-10] URL de la referencia: https://www.google.fr/books/edition/M%C3%A9moires_Et_R%C3%A9cits/knkWAAAAMAAJ?hl=fr&gbpv=1&bsq=%22ambr%C3%B2si+boufarel%22&dq=%22ambr%C3%B2si+boufarel%22&printsec=frontcover.

[1]

[2]

[3]

[4]

[5]

[6]

[7]

[8]

[9]

[10]