Grupos de Resistencia Antifascista Primeru d'Ochobre
Los Grupos de Resistencia Antifascista Primer d'Ochobre (GRAPO) son una organización armada española clandestina, antifascista y revolucionaria, fundada en 1975[1] a partir del Congresu Reconstituyíu del Partíu Comunista d'España (reconstituyíu) (PCE-r), coles mires de valtar el réxime franquista y espulsar l'exércitu americanu del Estáu Español pa establecer un gobiernu socialista. A pesar de que ideolóxicamente defínese como marxista-leninista, nes sos files militaron comunistes, anarquistes, antifascistes ya independentistes.
| Grupos de Resistencia Antifascista Primero de Octubre | ||
|---|---|---|
 | ||
| Operacional | Dende 1975 | |
| Oxetivos | Afitar un Estáu socialista n'España. | |
| Rexones d'aición |
 España | |
| Ideoloxía | Socialismu, marxismu-leninismu, antirrevisionismu. | |
| Brazu políticu | Partíu Comunista d'España (reconstituyíu) | |
| [editar datos en Wikidata] | ||
La primer aición armada que tolos medios tán d'alcuerdu n'atribuir a los GRAPO tuvo llugar el 2 d'agostu de 1975, nel canódromu de Madrid, cuando Enrique Cerdán Calixto, Abelardo Collazo Araújo y José Luis González Zazo, alias "Caballo", atentaron escontra dos axentes de la Guardia Civil nun Simca 1000 de color blanco, resultando muertu Casimiro Sánchez García, y el so compañeru, firíu de gravedá.[2] Sicasí, según la páxina "Testimonios Víctimas del Terrorismo", el primer muertu atribuible a GRAPO sería Juan Antonio Alba Escalera, asesináu en Barcelona el 8 d'ochobre de 1975.[3] Unos díes dempués del atentáu del 2 d'agostu perpetróse otra aición terrorista, esta vegada en Barcelona, acabando cola vida del axente de la Policía Armada Diego del Río Martín, el 29 de setiembre de 1975.[4]
Dende'l 1975, los GRAPO fixeron más de 1.000 aiciones armaes, nes que morrieron 84 persones (57 oficiales de policía, 20 civiles y 7 militares). L'añu más activu foi 1979, nel que morrieron 21 persones. 21 militantes de la organización morrieron asesinaos, cayíos en combate, por tortures o por desatención nes prisiones.
A pesar de que les Fuercies de Seguridá del Estáu español proclamaron la so desarticulación diverses vegaes, la organización sigue cola llucha armada hasta l'actualidá, anque con una intensidá mínima.
Referencies
editar- ↑ Los GRAPO, terroristes xerminaos nos años 60
- ↑ Hemeroteca ABC, edición martes 15 de febreru de 1977.
- ↑ «Copia archivada». Archiváu dende l'orixinal, el 3 d'abril de 2010. Consultáu'l 12 d'avientu de 2009.
- ↑ Hemeroteca ABC, edición Sábadu 22 de xunetu de 1978.
Enllaces esternos
editar
Wikimedia Commons tien conteníu multimedia tocante a Grupos de Resistencia Antifascista Primeru d'Ochobre.
