Galaxes Antennae
Les Galaxes Antennae o Antena son dos galaxes interactuando na constelación de Corvus. Afayáronse en 1785 por William Herschel.
| Galaxes Antennae | ||
|---|---|---|
 | ||
| Datos d'observación (dómina J2000.0) | ||
| Tipu | SB (s) m pec / SA (s) m pec | |
| Ascensión reuta | 12h 01m 53.0s / 12h 01m 53.6s | |
| Declinación | -18° 52' 10" / -18° 53' 11" | |
| Distancia | 70 millones d'al | |
| Magnitú aparente (V) | 11,2 / 11,1 | |
| Tamañu aparente (V) | 5,2' × 3,1' / 3,1' × 1,6' | |
| Constelación | Corvus | |
| Carauterístiques físiques | ||
| Radiu | ? al | |
| Otres carauterístiques | ||
| Dos galaxes n'interacción | ||
| Otres designaciones | ||
NGC 4038 & 4039 / Arp 244 PGC 37967 & 37969 | ||
| [editar datos en Wikidata] | ||
Les galaxes Antennae (NGC 4038 y NGC 4039; Arp 244 nel Atles de galaxes peculiares de Halton C. Arp) formen parte del Grupu de NGC 4038 xunto con otros cinco galaxes. Tán esperimentando una colisión galáctica y reciben el nome de Antennae o Antena peles llargues llinies d'estrelles, gas y polvu que son resultáu del choque, y que recuerden les antenes d'un inseutu. Los nucleos de dambes galaxes tán xuniéndose pa formar una supergalaxa, probablemente una galaxa elíptica ente que les coles acabarán per frañase ya independizase formando galaxa satélite menores.
Les dos galaxes espirales empezaron a xunise hai unos cientos de millones d'años -calculándose que se producieron dos biltos estelares nelles: unu hai 600 millones d'años, y otru l'actual- polo que les galaxes Antennae son l'exemplu más cercanu y más tempranu de dos galaxes n'interaición. Cuasi la metá de los oxetos nes Antennae son cúmulos estelares nuevos (non pocos super cúmulos estelares), incluyendo dellos ocultos pol polvu interestelar y namái detectables n'infrarroxu, resultáu d'esti choque. Los nucleos, de color más brillosu a entrambos llaos del centru, tán formaos principalmente por estrelles más vieyes y tán travesaos por filamentu d'escuru polvu interestelar de color pardu.[1] Les zones de formación estelar, arrodiaes de resplandorientu gas hidróxenu, tán representaes na imaxe en color rosa.
Les Antennae son bien riques en gas, con una masa total envalorada en 1,9*1010 mases solares (1,5*1010 mases solares d'hidróxenu molecular y 4*10⁹ mases solares d'hidróxenu neutro); aínda y too, piénsase que'l biltu estelar que ta teniendo agora llugar nelles ye relativamente modestu y que'l más potente va tener llugar nel futuru, cuando les dos galaxes acaben per fundise dafechu, concentrándose tol gas nun área bien pequeña, disparándose la formación estelar, y convirtiéndoles nuna Galaxa Infrarroxa Ultraluminosa
En 2004 reparóse una supernova, SN 2004gt, en NGC 4038. Otra supernova (la SN 2007sr) apaecía en 2007 dexó recalcular la distancia a la que se topa'l par, llográndose una de 22,3±2,8 megapársecs (alredor de 70 millones d'años lluz), la pensada orixinalmente y bien superior a les que se llogró por aciu l'estudiu de les xigantes coloraes más brilloses (alredor de 43 millones d'años lluz).
Referencies
editar- ↑ «Galaxes en choque, en Spacetelescope (n'inglés)». Archiváu dende l'orixinal, el 2009-02-09.
Ver tamién
editarEnllaces esternos
editar- Catálogu SEDS de NGC 4038
- Catálogu SEDS de NGC 4039
- Stellar Populations in NGC 4038/39 (the Antennae): Exploring a Galaxy Merger Pixel by Pixel
- Molecular Gas and the Modest Star Formation Efficiency in the Antennae Galaxies: Arp 244=NGC 4038/9
- The Stellar Content of the Southern Tail of NGC 4038/4039 and a Revised Distance
- High-Resolution H I Mapping of NGC 4038/39 (The Antennae) and Its Tidal Dwarf Galaxy Candidates
- A New Distance to the Antennae Galaxies (ngc 4038/39) Based on the Type ia Supernova 2007sr
- A New Rede Giant-based Distance Modulus of 13.3 Mpc to the Antennae Galaxies and Its Consequences
Coordenaes: 
12h 1m 53.17s, -18° 52′ 37.92″
Datos: Q725595
Multimedia: Antennae Galaxies
