Galiza Nova

Organización moza del BNG

Galiza Nova ye la organización xuvenil del Bloque Nacionalista Gallego, fundada nel añu 1988.

Galiza Nova
Fundación 1988
Sede Santiago de Compostela
Ideoloxía política Nacionalismu gallegu, independentismu, galleguismu, socialismu y feminismu
Páxina web galizanova.gal
Cambiar los datos en Wikidata

Historia editar

Galiza Nova ye la organización xuvenil del Bloque Nacionalista Gallego (BNG) que tien como función básica la organización y la movilización de la mocedá cola cara destapada a consiguir la lliberación nacional de Galicia y el tresformamientu de la sociedá actual. Trátase d'una organización amplia, plural y democrática qu'adopta les sos decisiones tres unu ampliu procesu d'alderique abiertu pa tola militancia. El so funcionamientu básase nel asemblearismu, estructurándose n'agrupaciones llocales y comarcales. El máximu órganu ye l'Asamblea Nacional que se celebra cada dos años, y a la que tien drechu a asistir tola afiliación.

Anque estatutariamente yera una organización independiente, aína empezó a funcionar cómo organización xuvenil del BNG, hasta que na II Asamblea (Compostela, 1990) aprobóse l'ingresu nel BNG. Esto llevó a parte de los sos miembros a cargos institucionales y tener una estructura idéntica a la del BNG del momentu y que sigue ensin variar hasta anguaño.

Definen como oxetivos políticos la lliberación nacional y el tresformamientu de la sociedá (ensin esplotación nacional, de clas o xéneru y desmilitarizada)", reivindiquen una Galicia dafechu soberana como culminación del procesu d'autodeterminación nacional. Aspiren a una sociedá cualitativamente distinta, que supere les inxusticies de l'actual y onde la igualdá y la democracia sían reales, asina garantizar una meyora nes condiciones de vida y bienestar social pa la mocedá y pal conxuntu de los gallegos y gallegues. Tamién defenden que les rellaciones ente les distintes naciones del mundu s'enconten na igualdá y solidaridá internacionalista.

Estructura interna editar

Galiza Nova ye una organización asemblearista estructurada n'agrupaciones llocales y comarcales. L'órganu máximu ye l'Asamblea Nacional, de la que formen parte tolos militantes y qu'escueye la metá de la Direición Nacional, de direición ente Asamblees. La otra metá ta formada por un representante de cada contorna. La máxima representación de la organización ye dirixida pola Secretaria o Secretariu Xeneral.

Ideoloxíes internes editar

Anguaño, en Galiza Nova esisten les siguientes corrientes, pos nun se reconocen nos estatutos la esistencia d'organizaciones:

Unión da Mocidade Galega (UMG), mocidades da UPG y organización mayoritaria

Isca!, vinculáu al Movemento Galego ao Socialismo, segunda formación n'importancia dende la última Asemblea Nacional

Secretaría xeneral:

Enllaces esternos editar

Referencies editar