Nacionalismu gallegu
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El nacionalismu gallegu ye una corriente política que reinvindica que Galicia tea reconocida como nación. Vicente Risco na so Teoría do nacionalismo galego definiólu asina:
Emplégase la pallabra nacionalismu pa designar el cuerpu de doctrines qu'informen tou movimientu de reivindicación de la personalidá de los grupos naturales por frente de la sorbencia de los Estados históricos. Nesti mesmu sentíu emplegámosla nos. Nacionalismu gallegu quier decir polo tanto, la doctrina qu'informa'l movimientu de reivindicación de la personalidá de Galicia frente de la sorbencia del centralismu español.Vicente Risco
Ye tamién un movimientu social, coles sos dimensiones culturales y polítiques. Los historiadores reconocen que durante los sieglos, dende la prehistoria hasta la nuesa dómina, la formación d'ún pueblu gallegu y de la so peculiar unidá. La corriente política a la que se refiere'l nacionalismu gallegu naz a finales del sieglu XIX con movimientos culturales que dempués fueron a los pocos años dando'l pasu a partíos políticos.
Ideoloxía
editarDientru del nacionalismu gallegu podemos atopar dos corrientes ideolóxiques principales:
- Una, la mayoritaria qu'aboga por una amplia autonomía, o pola tresformación d'España nún Estáu federal o confederal.
- Otra, la de la izquierda independentista, qu'aposta pola rotura col Estáu español y col modelu de sociedá capitalista.
Estes dos corrientes, tienen puntos en común como son la defensa del gallegu, (defendiendo dalgunos el reintegracionismu) y cultura gallega, el reconocimientu de Galicia como nación y la defensa de la integración de los conceyos irredentos gallego-falantes d'Asturies y Castiella y Lleón na Comunidá Autónoma Gallega (véase Irredentismu Gallegu). Per otra parte cabe resaltar el fechu de que, al contrario colo que sucede nel País Vascu y Cataluña, en Galicia predomina el nacionalismu d'izquierdes, dende posiciones que van dende la izquerda radical (Primeira Linha) hasta posiciones moderades de centro-izquierda (BNG).
Historia
editarEl nacimientu del nacionalismu gallegu propiamente dicho dase coles Irmandades da Fala, pero enantes hubo otros trés movimientos sin los que nun ye fácil imaxinar la existencia del nacionalismu gallegu. El galleguismu nacionalista conocerá el so completu desarrollu cola creación del Partido Galeguista en 1931.
Oríxenes
editarAfírmase[¿quién?] qu'una cierta tendencia nacionalista existió siempre na conciencia del pueblu gallegu. Dende los albores de la civilización, Galicia tien sido una rexón muy reacia a la asimilación política o cultural por parte d'otros pueblos.[ensin referencies] Fueron los gallegos, xunto a astures y cántabros los últimos obstáculos a los que Roma tuvo qu'enfrentase para la "pacificación" total d'Hispania.
Durante la Edá Media, [ensin referencies] nel que los continuos enfrontamientos entre les distintes cases nobiliaries configuró un periodu qu'en munches ocasiones llegaba l'anarquía y que nun finalizó hasta que foi asimilado'l so control pola Corona de Castiella polos Reis Católicos, que apoyaron nun principiu les Revoltas Irmandiñas, iniciadas pola baxa nobleza y los campesinos afogaos pola presión económica y social de la que yeren oxetu por parte de la nobleza preponderante, como medio para eliminar y controlar los nobles levantiscos y que remataron substituyendo'l sistema nobiliariu con nobles foráneos o atrayendo a la corte a los nobles afines a la so causa, a más d'otres medides de reforma política col oxetu de exercer un meyor control sobre'l territoriu.
Los años oscuros de Galicia comenzaron y el gallegu sobrevivió nes aldees, mientres que les clases altes y la burguesía adoptaron, mayoritariamente, el castellán como elementu diferenciador social.
Referencies
editarEnllaces esternos
editar
Wikimedia Commons acueye conteníu multimedia sobre Nacionalismu gallegu.
Datos: Q3336981- Multimedia: Galician nationalism
