Giovanni Riccioli
Giovanni Battista Riccioli (17 d'abril de 1598, Ferrara – 25 de xunu de 1671, Boloña), foi un astrónomu xesuita italianu. Considérase un pioneru na astronomía llunar.[3]
Giovanni Riccioli | |
|---|---|
 | |
| Vida | |
| Nacimientu | Ferrara[1], 17 d'abril de 1598[2] |
| Muerte | Boloña[1], 25 de xunu de 1671[2] (73 años) |
| Estudios | |
| Estudios | Universidá de Parma 1628) |
| Direutor de tesis | Giuseppe Biancani |
| Direutor de tesis de |
Francesco Maria Grimaldi (es)  Giovanni Domenico Cassini |
| Llingües falaes | llatín[2] |
| Oficiu | selenógrafu, teólogu, astrónomu, cartógrafu, profesor universitariu, escritor, filósofu |
| Emplegadores |
Universidá de Bolonia Universidá de Parma |
| Trabayos destacaos |
Almagestum Novum (es) |
| Creencies | |
| Relixón | catolicismu |
| Orde relixosa | Compañía de Xesús |
 | |
Biografía
editarRiccioli entró na Compañía de Xesús en 1614. Realizó estudios de retórica, filosofía y teoloxía en Parma y en Bolonia, de la qu'empecipiaba los sos estudios n'astronomía.[3]
La so obra Almagestum novum (1651) constitúi unu de los primeros llibros n'astronomía. El so capítulu tocante a la lluna contién dos grandes mapes, unu de los cualos amuesa per primer vegada los efeutos de les libración, al empar qu'introduz una nueva nomenclatura llunar. Trátase del primer mapa qu'utilizó nomes de científicos o personalidaes prominentes pa identificar los montes o los cráteres, en cuenta de usar nomes de conceutos astractos. Casi tolos nomes introducíos por Riccioli atópense vixentes.[3] Una copia del so mapa llunar reproduzse na entrada a la esposición llunar del Institutu Smithsonianu.[3]
Pola so distribución, la orde de los xesuites cuntaba con observatorios astronómicos que faíen posible'l llogru d'información de distintos llugares del mundu, tan distantes como Suramérica, África, China, Xapón ya India, lo que dexaba a los sos astrónomos el llogru de datos d'eclises solares y llunares, como tamién el tránsitu de Venus.[3] Esto dexó a Riccioli iguar una tabla con 2700 oxetos selenográficos, incomparablemente más precisa que nenguna otra realizada hasta entós.[3]
Riccioli realizó tamién midíes pa refinar los datos astronómicos esistentes, tales como'l radiu terrestre; compiló catálogos d'estrelles, describió les manches solares, el movimientu d'una estrella doble, y les bandes coloriaes de Xúpiter.[3]
Ye conocíu por ser la primer persona en midir la tasa d'aceleración d'un cuerpu cayendo llibremente.
Obra
editar- Almagestum novum. 1651
- Geographiae et hydrographiae reformatae libri. 1661
- Astronomia reformata. 1665
- Chronologia reformata. 1669
- Tabula latitudinum et longitudinum. 1689
Referencies
editar- ↑ 1,0 1,1 Afirmao en: Gran Enciclopedia Soviética (1969–1978). Sección, versículu o párrafu: Риччоли Джованни Баттиста. Data de consulta: 28 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
- ↑ 2,0 2,1 2,2 Afirmao en: autoridaes BNF. Identificador BnF: 12546680q. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ 3,0 3,1 3,2 3,3 3,4 3,5 3,6 MacDonnell, Joseph F. (2007). «Riccioli, Giovanni Battista», Hockey, Thomas: Biographical Encyclopedia of Astronomers (n'inglés). Nueva York: Springer, páx. 968-969. ISBN 978-0-387-31022-0. Consultáu'l 15 d'abril de 2015.
Bibliografía
editar- Ferdinand Hoefer. 1873. "Historie de l'astronomie", París
Enllaces esternos
editar- Curtia biografía de Riccioli, de la Catholic Encyclopedia
- Temes alrodiu de Riccioli, del Proyeutu Galileo Rice University
- Riccioli, Giovanni Battista, en francés
Datos: Q196472
Multimedia: Giovanni Riccioli
