Giuseppe Fanelli
Giuseppe Fanelli (13 d'ochobre de 1827, Nápoles – 5 de xineru de 1877, Nocera Inferiore (es) 
) foi un arquiteutu y inxenieru anarquista italianu, tamién francmasón. De xoven foi un firme partidariu de la unificación italiana, lluchando escontra los austriacos colos piamontesos na guerra de 1848-1849 y el 1860-1861 na Espedición de los Mil de Giuseppe Garibaldi.
Giuseppe Fanelli | |||||||
|---|---|---|---|---|---|---|---|
 | |||||||
5 avientu 1870 - 20 setiembre 1874 Eleiciones: 11th Legislature of the Kingdom of Italy (en)
22 marzu 1867 - 2 payares 1870 Eleiciones: 10th Legislature of the Kingdom of Italy (en)
18 payares 1865 - 13 febreru 1867 Eleiciones: 9th Legislature of the Kingdom of Italy (en) | |||||||
| Vida | |||||||
| Nacimientu | Nápoles, 13 d'ochobre de 1827[1] | ||||||
| Nacionalidá |
 Reinu d'Italia (17 marzu 1861 - 5 xineru 1877) | ||||||
| Muerte |
Nocera Inferiore (es) , 5 de xineru de 1877[1] (49 años) | ||||||
| Causa de la muerte | tuberculosis | ||||||
| Estudios | |||||||
| Llingües falaes | italianu | ||||||
| Oficiu | políticu, sindicalista | ||||||
| Miembru de | Primera Internacional | ||||||
| Serviciu militar | |||||||
| Lluchó en |
Expedición de los Mil (es) | ||||||
| Creencies | |||||||
| Partíu políticu |
Extrema izquierda histórica (es) | ||||||
 | |||||||
Foi diputáu los años 1865-1867 y 1867-1870 del grupu creáu polos seguidores de Mikhail Bakunin en Nápoles en 1860-1867. Depués d'asistir con esti grupu a los primeros congresos de la Lliga de la Paz y de la Llibertá en Xinebra (1867) y Berna (1868), nesti últimu foi unu de los fundadores de la bakuninista Alianza de la Democracia Socialista y adhiriose a la Primera Internacional. Visitó España ente ochobre del 1868 y febreru de 1869, ayudando a la creación de la seción española de la Internacional, introducíu y acompañáu polos republicanos federales Garrido, Ourense, Guisasola y Rubaudonadeu, y consiguió constituir los primeros grupos d'obreros internacionalistes en Madrid (dirixíos por Mora, Borrel, Anselmo Lorenzo) y en Barcelona (dirixíos por Josep Lluís Pellicer, Rafael Farga i Pellicer y Josep Rubaudonadeu), pero creando una confusión ente los estatutos y los oxetivos de l'Alianza y los de l'AIT. Dizse que les sos idees fueron tresmitíes a los obreros de Madrid mediante señes y l'ayuda ocasional d'un trabayador que conocía'l francés, puesto que Fanelli nun falaba español y hubo d'emplear tal llingua pa esparder los ideales anarquistes. Los ideales qu'entendieron los obreros que lu escuchaben pasaron a ser llamaos "La Idea".
Posteriormente asistío al congresu de la fración anarquista de la Internacional en Saint-Imier de setiembre de 1872. Morrió de tuberculosis l'añu 1877.
Referencies editar
- ↑ 1,0 1,1 Afirmao en: Gran Enciclopèdia Catalana. Identificador de la Gran Enciclopedia Catalana: 0025941. Apaez como: Giuseppe Fanelli. Editorial: Grup Enciclopèdia. Llingua de la obra o nome: catalán.
Enllaces esternos editar
Wikimedia Commons acueye conteníu multimedia sobre Giuseppe Fanelli 
.
Datos: Q736977- Multimedia: Giuseppe Fanelli
