Gliese 22
Gliese 22 (GJ 22 / HIP 2552 / LHS 114/115) ye una estrella múltiple na constelación de Cassiopeia asitiada casi na llende cola constelación de Cepheus. Alcuéntrase 33 años lluz de distancia del Sistema Solar. En 2008 un grupu d'astrónomos españoles anunciaron el descubrimientu d'un planeta estrasolar en redol a una de les estrelles del sistema.[5]
Carauterístiques del sistema editar
Gliese 22 ye un sistema estelar triple formada por trés nanes coloraes. La denominación de les componentes ye inusual: les estrelles denominaes A y C tán bien próximes ente sigo, orbitando la componente B esti par interior a una distancia considerablemente mayor. La estrella C ta tan próxima a A que, cuando foi resuelta, A y B taben yá catalogaes.[6]
Gliese 22 AC editar
El par interior del sistema ta formáu por Gliese 22 A y Gliese 22 C, dos nanes coloraes que la so separación varia ente 1,20 UA nel periastru y 1,33 UA nel apoastru, siendo'l so periodu orbital de 15,95 años. Dada la proximidá de dambes componentes, nun se conocen los parámetros individuales de caúna d'elles. De tipu espectral combináu M2.5Ve,[7] la so magnitú aparente ye +10,38 y la so lluminosidá conxunta equival al 0,63% de la lluminosidá solar.[6] Piénsase que la masa de Gliese 22 C ten de tar cerca de la llende d'una nana marrón.[8]
Gliese 22 AC ta catalogada como una estrella acandilante, recibiendo la denominación, tocantes a variable, de V547 Cassiopeiae.[7]
Gliese 22 B editar
Gliese 22 B ye una nana colorada de tipu M3.5[9] y magnitú aparente +12,40. La so lluminosidá ye apenes el 0,098% de la solar, con una masa de 0,38 mases solares. Completa una órbita alredor del par interior cada 320 años a una distancia de 41,1 UA (aproximao la distancia media ente Plutón y el Sol).[6]
Sistema planetariu editar
El planeta, designáu Gliese 22 Bb, orbita en redol a Gliese 22 B, la componente solitaria del sistema estelar. Con una masa 16 vegaes mayor que la de Xúpiter (5000 vegaes mayor que la de la Tierra), tratar d'un planeta xigante o d'una nana marrón, una y bones una masa 13 vegaes mayor que la de Xúpiter ye la llende comúnmente aceptada que dixebra a dambos tipos d'oxetos. El planeta foi afayáu por un grupu d'investigadores lideraos por astrónomos de la Universidá de Santiago de Compostela, onde participaron el Grupu de Mecánica Espacial del Institutu Universitariu de Matemátiques y Aplicaciones (IUMA) de la Universidá de Zaragoza, el Special Astrophysical Observatory de Rusia y l'Institutu Max Planck d'Alemaña.[10] Per primer vegada púnxose de manifiestu astrométricamente la esistencia d'un planeta estrasolar, pos hasta agora tolos descubrimientos d'exoplanetes fueron llevaos a cabu pol métodu de velocidaes radiales (detectando'l efeutu Doppler nes llinies espectrales de la estrella) o pola variación de la lluz de la estrella al producise tránsitos del planeta per delantre d'ella.
Ver tamién editar
Referencies editar
- ↑ 1,0 1,1 1,2 Afirmao en: SIMBAD.
- ↑ 2,0 2,1 2,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ Bárbara Rojas-Ayala (13 marzu 2012). «Metallicity and temperature indicators in M dwarf K-band spectra: testing new and updated calibrations with observations of 133 solar neighborhood M dwarfs» (n'inglés). The Astrophysical Journal (2): páxs. 93. doi:.
- ↑ Astrónomos españoles topen un planeta xigante per aciu un nuevu sistema. El Mundo.es
- ↑ 6,0 6,1 6,2 Gliese 22. The Internet Stellar Database
- ↑ 7,0 7,1 Gliese 22 AC (SIMBAD)
- ↑ Woitas, J., Tamazian, V.S., Docobo, J.A. & Leinert, Ch. (2003). «Visual orbit for the low-mass binary Gliese 22 AC from speckle interferometry». Astronomy and Astrophysics 406. páxs. 293-298. http://cds.aanda.org/index.php?option=article&access=bibcode&bibcode=2003A%2526A...406..293W.
- ↑ Gliese 22 B (SIMBAD)
- ↑ Investigadores de la Universidá de Zaragoza afayen un nuevu planeta xigante estrasolar. Gozazaragoza
Coordenaes: 
0h 32m 29.433s, 67° 14′ 8.414″
Datos: Q3108871
