Gomeru (grupu)

Gomeru ye un grupu musical asturianu. El so estilu musical avérase al punk pero tienen influencies d'otros estilos como'l rock, ska, hardcore o funk, tan carauterizaos por canciar n'asturianu incluyendo la gaita como instrumentu tradicional nos sos cancios. Son un de los principales grupos impulsores de la llingua asturiana na escena musical alternativa astur. Ye un grupu con tendencies polítiques claramente marcaes nel Nacionalismu asturianu y la ideoloxía marxista.

Gomeru
Conciertu de Gomeru. De izquierda a derecha: Carlos, Toño, Hugo, Palicio y Chupa
Datos xenerales
Orixe	Uviéu  Asturies
Información artística
Xéneru(os)	Punk
Periodu d'actividá	2004 - n'activu
Miembros
Hugo (voz) Chupa (guitarra solista) Fula (batería) Carlos (gaita y saxo) Palicio (baxu) Toño (guitarra rítmica)
Enllaces esternos
Sitiu web oficial	http://www.freewebs.com/gomeru/
Discogs	6111798
[editar datos en Wikidata]

Historia

El gomeru ye un arma que representa la llucha nes cáis d'Asturies, un arma fecha a mano escontra la represión, un arma del pueblu y sobre to de la clas obrera. D'ehí vien el nome d'esti grupu d'Uviéu qu'acaba d'asoleyar el so caberu trabayu 'Bales de rabia', rabia que amosan nes sos lletres que mos fálen de la represión que ta sofriendo la cultura del so pueblu, asina como'l movimientu obreru o el movimientu antifacista ya independentista. Los sos cantáres tienen un ñidiu mensax anticapitalista que tamién lleven a la práutica al distribuir les sos maquetes autoproducíes (Griesca na Cai, 2006) y (Bales de Rabia, 2008) en llocales sociales, bares, radios y conciertos direutamente ensin tener que pasar pol cánon de la SGAE o viender en grandes centros comerciales como fáen otros grupos que presumien d'esto.

En cuantu al so estilu musical podemos dicir que fáen un punk-rock contundente fusináu con ritmos ska, hardcore y col folk tradicional asturianu al enxertar la gaita nos sos cantáres. Grupu permozu que ya ta faciéndose un pequeñu furacu na música comprometía asturiana, nel so myspace puedes sentir d'algunos de los sos cantáres [1].

Nome

La pallabra gomeru ("tirachinas" en castellán) foi'l nome escoyío pol grupu, especialmente influenciáu pola llucha obrera de los trabayaóres d'empreses como Izar o Duro Felguera, los cuales empleguen el gomeru pa defendese ante les fuercies del orden. Dende entós, la pallabra tien adquiríes unes connotaciones antirepresives y llibertaries perclares.

Formación

La so formació actual ta compuesta por Hugo (voz), Chupa (guitarra solista), Fula (batería), Carlos (gaita y saxo), Palicio (bajo) y Toño (guitarra rítmica).

Ex componentes

Banzi (baxu), Pablo (baxu), Anael (guitarra) y Rubio (batería).

Discografía

• Grieska Na Cai - Autoproducíu, 2005

1. Tuerques y torniellos
2. Dos sieglos de llucha
3. La causa
4. Oficialidá

• Tributo a la Polla Records Dende Asturies, 2006

1. La Futbolera

• Bales De Rabia - Autoproducíu, 2008

1. Independencia
2. Actúa Ya
3. Griesca Na Cai
4. Llucha Armada
5. Lluna de llobos
6. I.R.A.
7. Ochobre'l 34
8. Tierra Llibre
9. Nun son les tos pintes

Enllaces esternos

• Myspace oficial

• Datos: Q3330093