Gracia Querejeta

Gracia Querejeta (13 d'agostu de 1962, Madrid) ye una cineasta española.

Gracia Querejeta
Vida
Nacimientu	Madrid, 13 d'agostu de 1962 (62 años)
Nacionalidá	España
Familia
Padre	Elías Querejeta
Estudios
Estudios	Universidá Complutense de Madrid
Llingües falaes	castellanu
Oficiu	direutora de cine, guionista
Premios	ver Premio Goya al mejor cortometraje de ficción  (1991) : El viaje del agua (es) Anexo:Medalla del CEC al mejor director  (1996) : El último viaje de Robert Rylands (es) Anexo:Medalla del CEC al mejor director  (2004) : Héctor (es) Medalla del Círculo de Escritores Cinematográficos al mejor guion original  (2004) : Héctor (es) Premio Ciudad de Huesca Carlos Saura  (2006)
IMDb	nm0703265

Primeros años

Querejeta ye la fía de la diseñadora de vestuario María del Carmen Marín Maikila y del productor Elías Querejeta, que-y abrió'l camín nel mundu del cine. Nunca tuvo vocación de ser actriz y estudió Historia Antigua na Universidá Complutense de Madrid.

Carrera profesional

En 1992 dirixe la so primer película en solitariu, Una estación de paso, premiu especial del Xuráu na Selmana de Cine de Valladolid. A la so ópera prima siguieron El último viaje de Robert Rylands y Cuando vuelvas a mi lado, una película que cunta la hestoria de trés hermanes que vuelven axuntase dempués de finar la so madre. Nesta película participaron les actrices Mercedes Sampietro, Julieta Serrano y Adriana Ozores.

En 2004 dirixó Héctor, que foi gallardoniada col premiu a la meyor película nel Festival de Málaga de Cine Español en mayu de 2004. Siete mesas de billar francés del 2007 supúnxo-y diverses nominaciones al premiu Goya como meyor direición y adautación d'un guión. En 2008 recibió'l premiu 'Ciudá de Cuenca' del Festival internacional de cine de Muyeres en Direición en reconocencia a la so trayeutoria.

Premios

• En 1997 ganó la Medaya del Círculu d'Escritores Cinematográficos al meyor direutor pola so película El último viaje de Robert Rylands.

• En 2004 volvió ganar la Medaya del CEC al meyor direutor y tamién la Medaya al meyor guión orixinal por Héctor.

Obra

• Una estación de paso (1992). Premiu especial del Xuráu na Selmana de Cine de Valladolid.
• El trabayu de rodar (1994). Documental.
• El último viaje de Robert Rylands (1996). Premiu a la meyor direición, meyor película, meyor fotografía, meyor montaxe y meyor música daos pol Círculu d'Escritores Cinematográficos.
• Di Stéfano (1997). Capítulu de la serie El partíu del sieglu.
• Primaries (1998). Documental codirixíu xunto a Fernando León de Aranoa y Azucena Rodríguez.
• Cuando vuelvas a mi lado (1999). Mención especial del Xuráu nel Festival de San Sebastián pola calidá de la direición ya interpretación y el premiu a la meyor fotografía.
• Héctor (2004). Biznaga d'Oru a la meyor película y premiu a la meyor interpretación femenina (Adriana Ozores) nel Festival de Cine Español de Málaga.
• Siete mesas de billar francés (2007). Nominación nos Premios Goya a la Meyor película y meyor direición, ente otres, amás de consiguir los premios a meyor actriz protagonista (Maribel Verdú) y de repartu (Amparo Baró).
• 15 años y un día (2013). Biznaga d'Oru a la meyor película y otros 3 premios nel Festival de Cine Español de Málaga.
• Felices 140 (2015)
• Fola de crímenes (2018)

Discutiniu con Javier Marías

La so película El último viaje de Robert Rylands ta basada na novela Todas las almas de Javier Marías. L'escritor sostuvo una agria polémica nel periódicu El País con Elías y Gracia Querejeta, a los qu'acusaba d'haber desfigurado el so llibru hasta faelo irreconocible. Esixó que se suprimiera toa mención al so nome y a la so novela nos títulos de creitu de la mesma y empecipió un llargu procesu xudicial que, tres dos sentencies favorables al escritor en 1998 y 2002, terminó'l 7 de marzu de 2006 cuando'l Tribunal Supremu refugó los recursos presentaos pola productora de Elías Querejeta y ratificó les sentencies anteriores.

Ver tamién

• Películes de Gracia Querejeta.

Referencies

• Datos: Q2659453
• Multimedia: Gracia Querejeta