Gran furacu azul
El Gran Furacu Azul (the Great Blue Hole n'inglés) ye un gran sumidoriu o "furacu azul" de la mariña de Belize. Atópase cerca del centru del petón Lighthouse, un pequeñu atolón allugáu a 100 quilómetros de la mariña continental y la Ciudá de Belize. El furacu ye de forma circular, y cuenta con más de 300 metros d'anchu y 123 metros de fondura.[1] Cuando acabó la glaciación, o última Edá de Xelu, fai 12.000 años, el nivel del mar xubió, los covarones anubriéronse, la cubierta derrumbóse y formóse esta torca qu'apasiona a los buceadores porque alluga munches especies de pexes, esponxes y corales.[2] Créese que ye'l fenómenu más grande del mundu nel so xéneru. El Gran Furacu Azul ye parte del Sistema de Reserves de la Barrera del Petón de Belize, Patrimoniu de la Humanidá de la Unesco.[1]
| Gran furacu azul | |
|---|---|
| Great blue hole (en) | |
 | |
| Situación | |
| País |  Belize |
| Distritu | Distritu de Belize |
| Tipu | furazu azul |
| Parte de | Sistema de Reserves de la Barrera del Petón de Belice |
| Coordenaes | 17°18′56″N 87°32′04″W / 17.3156°N 87.5344°O |
  Gran furacu azul Gran furacu azul (Belize) | |
| Datos | |
| Superficie | 7,06 ha |
 | |
Esploración
editar
Esti sitiu fíxose famosu por Jacques-Yves Cousteau, quien realizó una primer inmersión en 1960 y declaró esti llugar como unu de los diez meyores sitios de bucéu nel mundu. En 1971, Cousteau llevó'l so barcu, el Calypso, al furacu pa trazar les sos fondures.[3] Les investigaciones d'esta espedición confirmaron l'orixe del furacu como típiques formaciones de piedra caliar cárstica, constituyíes antes de la elevación del nivel del mar en siquier cuatro etapes, dexando salientes con fondures de 21, 49 y 91 metros. Les estalactites fueron recuperaes de cueves somorguiaes, confirmando la so formación previa sobre'l nivel del mar. Dalgunes d'estes estalactites atópense fora de la vertical de 10°-13°, nuna orientación coherente, lo qu'indica que tamién hubo dalgún movimientu xeolóxicu y un enclín de la plataforma subxacente, siguíu por un llargu periodu nel planu actual.
Turismu
editarEsti ye un llugar popular ente los buzos recreativos, que son atraíos pola oportunidá de buciar n'agües cristalines y atopase con delles especies de pexes, qu'inclúin los xigantes. Podemos atopar delles especies de tiburones como los nodriza, el tiburón de petón del Caribe y el tiburón de punta negra. Viéronse otres especies de tiburones, como'l tiburón toru y tiburón cabeza de martiellu, pero los avistamientos nun son frecuentes. Polo xeneral, los viaxes de bucéu al gran furacu azul son escursiones d'un día completu, qu'inclúi somorguiase nel furacu azul y otros dos somorguiaes nos petones cercanos. Cueves de formación similar, como la del gran furacu azul, son bien conocíes nes mariñes de Belice, y na península de Yucatán, onde se conocen como "cenotes".
Referencies
editar- ↑ 1,0 1,1 «Great Blue Hole, Belize» (inglés). NASA. Archiváu dende l'orixinal, el 23 de marzu de 2012. Consultáu'l 12 de febreru de 2010.
- ↑ «Belize Blue Hole reef» (inglés). National Geographic Online. Consultáu'l 12 de febreru de 2010.
- ↑ Jacques-Yves Cousteau (1973). Galapagos - Titicaca - The Blue Holes. Londres: Cassell.
Enllaces esternos
editar- El gran furacu azul (enllaz rotu disponible n'Internet Archive; ver l'historial y la última versión).
- El gran furacu azul de Belice
- Los 7 fuexos terrestres más impresionantes
Datos: Q86486
Multimedia: Great Blue Hole (Belize)
