HR 3617

HR 3617 (HD 78175 / HIP 44768) ye una estrella de magnitú aparente +6,87 na constelación de Cáncer. Alcuéntrase visualmente ente ξ Cancri y ν Cancri, a pocu más d'un grau de la primera. Alcuéntrase a 192 años lluz de distancia del Sistema Solar.

HR 3617 A/B
Constelación Cáncer
Ascensión reuta α 09h 07min 26,91s
Declinación δ +22º 58’ 51,1’’
Distancia 192 años lluz
Magnitú visual +6,87 (+7 / +7,4)
Magnitú absoluta +2,52 (conxunta)
Lluminosidá 8,5 soles (conxunta)
Tipu espectral F4V / F5V
Velocidá radial +29,1 km/s

HR 3617 ye una estrella múltiple que les sos dos componentes principales formen un sistema binariu compuestu por dos estrelles blancu-marielles de la secuencia principal práuticamente iguales. HR 3617 A, de magnitú +7, ye de tipu espectral F4V, ente que HR 3617 B, de magnitú +7,4, ye de tipu F5V. Dambes estrelles, separaes visualmente unos 7,5 segundos d'arcu, alcuéntrase a una distancia real de 480 UA, equivalente a doce veces la distancia media que dixebra a Plutón del Sol. La lluminosidá conxunta del sistema ye de 8,5 soles. El sistema recuerda a Diadem (α Comae Berenices) —estrella binaria formada por dos estrelles idéntiques de tipu F5—, magar los dos componentes d'ésta última tópense muncho más próximes ente sí que les de HR 3617.

Esiste una tercer estrella de magnitú +12,6, HR 3617 C, separada visualmente 27,8 segundos d'arcu de les componentes A y B; forma una doble óptica col par AB, a les que nun ta amestada gravitacionalmente.

ReferenciesEditar

Coordenaes:   9h 7m 26.905s, 22° 58 51.129