Hemorraxa
Una hemorraxa ye la salida de sangre[1] dende'l aparatu circulatoriu, provocada pola frañadura de vasos sanguíneos como venes, arteries o capilares. Ye una mancadura que desencadena una perda de sangre, de calter internu o esternu, y dependiendo del so volume pue aniciar diversos entueyos (anemia, choque hipovolémicu, etc.).
| Hemorraxa (nome de signu clínicu) | ||
|---|---|---|
 Hemorraxa nun deu humanu. | ||
| Clasificación y recursos esternos | ||
| CIE-10 | R58 | |
| CIAP-2 | A10 | |
| PubMed | Buscar en Medline mediante PubMed (en inglés) | |
| MeSH | D006470 | |
| Especialidá | medicina d'emerxencia | |
| Sinónimos | ||
 Avisu médicu | ||
| [editar datos en Wikidata] | ||
Clasificación
editarLos distintos tipos d'hemorraxes clasifíquense según el so orixe anatómicu, el tipu de vasu sanguineu afeutáu, o la causa que la anició.
Según el so orixe
editar- Hemorraxa interna:[2] Ye la rotura de dalgún vasu sanguineu nel interior del cuerpu.
- Hemorraxa esterna:[3] Ye la hemorraxa producida por rotura de vasos sanguíneos al traviés de la piel, esta mena d'hemorraxes ye producida frecuentemente por firíes abiertes.
- Hemorraxa esteriorizada:[4] al traviés de furos naturales del cuerpu, como la boca devolviendu (hematemesis) o tusiendo (hemoptisis), la ñariz (epistaxis), cualesquier parte del aparatu dixestivu (hemorraxa gastrointestinal), el rectu (rectorraxa), la natura (metrorraxa), la uretra (hematuria), l'oyíu (otorraxa), y el güeyu (hiposfagma).
Según el tipu de vasu sanguineu rotu
editar
- Hemorraxa capilar: Ye la más frecuente y la menos grave, pos los capilares sanguíneos son los vasos más abondosos y que menos presión de sangre tienen. El sangre flúi en sábana: nun pue visualizase vasos sangrantes.
- Hemorraxa venosa: El sangráu vien de dalguna vena mancada y el sangre sal de mou continuu, pero ensin fuercia: ye de color coloráu escuru.
- Hemorraxa arterial: Ye la más grave si nun se trata a tiempu puede llegar a la muerte. El sangráu vien de dalguna arteria mancada y el sangre sal en forma de remexu intermitente: ye de color coloráu resplandiosu.
Según la so etioloxía
editarSegún la causa que la provoque, pue ser por:
- rexis: solución de continuidá o frayatu d'un vasu (mancadura per arma blanca por casu, refierse a dañu intencional).
- diéresis: mancadura por incisión quirúrxica o accidental.
- diabrosis: escomiu de la paré vascular con cantos mal definíos.
- diapédesis: aumentu de la permeabilidá de los vasos ensin perder la so integridá anatómica cola consiguiente salida d'elementos formes.
Consecuencies
editar
Cuando'l sangráu ye importante ya implica una perda de volume de sangre que s'avera al 70%, suel asoceder un "choque hipovolémicu". La gravedá d'una hemorraxa depende de:
- La velocidá con que se pierde'l sangre.
- El volume de sangre perdío.
- Edá de la persona.
Tratamientu
editarLa principal midida a facer énte una hemorraxa esterna ye la presión direuta pa cohibir el sangráu, con posterior vendaxe y desinfeición de la firida. L'emplegu de torniquetes tien de tar acutáu a hemorraxes masives, pol riesgu de necrosis del miembru sangrante. La perda d'un volume cuantiosu de sangre súplese con tresfusión de sangre.
Ver tamién
editarReferencies
editarEnllaces esternos
editar
Wikimedia Commons acueye conteníu multimedia sobre Hemorraxa.- (enllaz rotu disponible n'Internet Archive; ver l'historial y la última versión).
- http://www.nlm.nih.gov/medlineplus/spanish/ency/article/000045.htm
- http://www.ambitoweb.com/servicios/salud/manual12.asp Archiváu 2006-08-26 en Wayback Machine
- http://escuela.med.puc.cl/publ/patologiageneral/Patol_049.html Archiváu 2016-05-09 en Wayback Machine
- http://www.salud.bioetica.org/shock.htm
- http://www.ctv.es/USERS/sos/aparcirc.htm#ppaashhi
