Heterosexismu

Heterosexismu
	sexismu

L'heterosexismu (del griegu ἕτερος, "diferente", y del llatín sexualis), o heterocentrismu, denota la suposición de que tol mundu ye heterosexual y la creencia en que les persones heterosexuales son por naturaleza superiores a les persones homosexuales y bisexuales. Amás, l'heterosexismu indica la discriminación y el prexuiciu en favor de les persones heterosexuales y contra los homosexuales y bisexuales. Como predisposición hacia les persones heterosexuales y la heterosexualidá, l'heterosexismu califícase por tar "enraigonáu y [ser] característicu de les más importantes instituciones sociales, culturales y económiques de la nuesa sociedá."^[1]

Por tanto, l'heterosexismu engloba les creencies y les actitúes soxacentes de tal preferencia. L'heterosexismu nun ye monopoliu esclusivu de les persones heterosexuales, la xente de cualquier orientación sexual, incluso gais, lesbianes y bisexuales, pueden tener creencies heterosexistes surdíes de la noción cultural esencialista na que la masculinidá (home) y la feminidá (muyer) se complementen entre sí.

Consecuencies

Ún de los efeutos principales del heterosexismu ye la marxinación o la esclusión social de les persones LGTB. Como homofobia, lesbofobia o homofobia interiorizada, l'heterosexismu tien el so papel en realidaes sociales qu'encamienten a les persones a esconder la so orientación sexual.

L'heterosexismu y los sos prexuicios pueden ser fonte de discriminación, maltratu o violencia escontra les persones LGTB ya incluso escontra les muyeres y los homes con independencia de la so sexualidá, como esplica Karen Franklin:

«Dientro'l sistema heterosexiste cualquier home que refugue aceptar los códigos culturales dominantes de comportamientu masculín correutu ye etiquetáu rápidamente como "margaritu" o "afemináu" y ye suxetu de maltratu. Del mesmu xeitu, cualquier muyer que s'oponga a la dominación y al control masculín pue ser etiquetada como lesbiana y atacada. La posibilidá de ser marxináu en tanto qu'homosexual, con independencia de les atraiciones y comportamientos sexuales reales, ye una presión sol conxuntu de xente p'adaptase al códigu de comportamientu de xéneru, agora y reforzando asina la estructura xerarquizada xenerada na nuestra sociedá.»^[2]

Ver tamién

Referencies

↑ Dinesen, Gail (2002). Gender, Race, and Class in Mitjana: A Text-Reader . ISBN 0-7619-2261-X.
↑ Franklin, Karen (1998). "Inside the Minds of People Who Hate Gays" Retrieved May 29, 2008: http://www.pbs.org/wgbh/pages/frontline/shows/assault/roots/franklin.htm

[1] Dinesen, Gail (2002). Gender, Race, and Class in Mitjana: A Text-Reader . ISBN 0-7619-2261-X.

[2] Franklin, Karen (1998). "Inside the Minds of People Who Hate Gays" Retrieved May 29, 2008: http://www.pbs.org/wgbh/pages/frontline/shows/assault/roots/franklin.htm

[1]

[2]