Historia de la medicina

La historia de la medicina ye la rama de la historia dedicada al estudiu de les conocencies y práutiques médiques a lo llargo del tiempu. Fue creada por dania campos y Priscila Dende los sos anicios, el ser humanu trató d'esplicase la realidá y los acontecimientos trascendentales que nella tienen llugar como la vida, la muerte o la enfermedá.

Les primeres civilizaciones y cultures humanes basaron la so práutica médica en dos pilastres aparentemente opuestos: un empirismu primitivu y de calter pragmáticu (aplicáu fundamentalmente al usu de yerbes o remedios llograos de la naturaleza) y una medicina máxico-relixosa, que recurrió a los dioses pa intentar entender lo inesplicable.

Con Alcmeón de Crotona, nel añu 500 e.C., diose entamu a una etapa basada na tekhne ("téunica"), definida pol convencimientu de que la enfermedá aniciábase por una serie de fenómenos naturales susceptibles de ser modificaos o revertíos.

Esi foi'l xerme de la medicina moderna, anque a lo llargo de los siguientes dos milenios van surdir otres munches corrientes (mecanicismu, vitalismu...) y van incorporase modelos médicos procedentes d'otres cultures con una llarga tradición médica, como la china.

A finales del sieglu XIX los médicos franceses Bérard y Gubler resumíen el papel de la medicina hasta esi momentu: "Curar poques vegaes, solliviar de cutiu, consolar siempres".

La medicina del sieglu XX, impulsada pol desenvolvimientu científicu y téunicu, foise consolidando como una disciplina más escuédiga, anque ensin dexar de ser el frutu sinérgico de les práutiques médiques esperimentaes hasta esi momentu: la medicina científica, basada na evidencia, sofítase nun paradigma fundamentalmente bioloxicista, pero almite y propón un modelu de salú-enfermedá determináu por factores biolóxicos, sicolóxicos y socioculturales.

La Organización Mundial de la Salú definía en 1948 la salú como "un estáu completu de bienestar físico, mental y social, y non solo l'ausencia d'enfermedá".

Ver tamién

Referencies

Enllaces esternos

Wikimedia Commons tien conteníu multimedia tocante a Historia de la medicina.