Hooligans
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El términu hooligans naz n'Inglaterra nos años 1960 pa referíse a grupos violentos venceyaos al mundu del fútbol. Pue considerase-yos asemeyaos a les barres braves de Sudamérica y ultres del restu d'Europa.
Estos aficionaos agresivos, siguidores d'un equipu en concretu, engárrense, a vegaes, colos hooligans del equipu contrariu demientres l'alcuentru. La tensión medra nos nomaos clásicos o derbis, que son alcuentros ente equipos de la mesma ciudá, o equipos con una gran competencia histórica.
Estos alcuentros violentos ente grupos de hooligans dieron llugar a numberoses muertes y traxedies a lo llargo de la historia del fútbol inglés. En 1985, nel estadiu de Heysel (Bruxeles), muerren 39 persones nuna engarradiella ente los aficionaos del Liverpool y del Juventus, mentanto disputaben la final de la Copa d'Europa.
L'orixe
editarTiende a creyese que'l hooliganismu ye daqué relativamente reciente, de les últimes tres o cuatru décades. Pero como desplicó a la BBC l'antropóloga Liz Crowley, de la Universidá de Manchester, nun ye un fenómenu nuevu.
N'efeutu, el balompié foi asociáu a eventos violentos dende los sos oríxenes na Inglaterra del sieglu XIII, cuando los partíos involucraben a cientos de xugadores y convertíense esencialmente en campos de batalla onde s'enfrentaben les mocedaes de los pueblos rivales.
L'orixe del términu hooligan ye inciertu, pero creyese qu'apaeció nun infome de la policía de Londres que data del 1898. Otra de les teoríes que despliquen l'orixe de la pallabra argumenta que'l nome vien d'un gamberru irlandés que vivía en Londres, d'apellíu Hooligan.
Referencies
editarEnllaces esternos
editar
Wikimedia Commons acueye conteníu multimedia sobre Hooligans.
Datos: Q11690405- Multimedia: Hooliganism
